Ýkraına prezıdenti Vladımır Zelenskıı AQSh-tyń mıneraldar týraly kelisimniń jańa nusqasyn usynǵanyn jáne onyń jaqyn arada ratıfıkaııa úshin parlamentke jiberiletinin málimdedi, dep habarlaıdy "Adyrna" ulttyq portaly.
«Bul – AQSh tarapynyń aýqymdy jáne tolyqqandy kelisimi. Burynǵy negizdemelik kelisimnen keıin tolyqqandy qujat ázirleý kezeńine óttik. Qazir AQSh bizge birden aýqymdy kelisim usyndy», – dedi Zelenskıı.
Onyń aıtýynsha, qujattyń naqty mazmuny áli belgisiz, biraq atom elektr stanııalaryna qatysty eshqandaı másele kóterilmegen.
Sonymen qatar, Zelenskıı Reseı atysty toqtatý rejımin buzǵan jaǵdaıda Ýkraına Tramp ákimshiliginen naqty sharalar kútetinin atap ótti:
«Eger Reseı kelisimdi buzsa, biz prezıdent Tramptan sankııalar, qysym jáne qarý jetkizýdi suraımyz. Bizde naqty dálelder bolady», – dedi ol.
AQSh bastamasymen Ýkraına Reseıge jáne ózine tıesili keıbir ınfraqurylymdyq nysandarǵa soqqy jasamaý týraly tizim usyndy. Reseı tarapy bul usynysty qabyldap, óz tizimin jarııalady.
Shabýyl jasaýǵa ýaqytsha tyıym salynǵan nysandar qatarynda munaı óńdeý zaýyttary, munaı-gaz qubyrlary men qoımalary, elektr energııasyn óndirý jáne taratý ınfraqurylymy, atom elektr stanııalary jáne sý elektr stanııalarynyń bógetteri bar.
Reseı tarapy bul moratorıı 2025 jyldyń 18 naýryzynan bastap 30 kúnge sozylatynyn habarlady. Al Ýkraına ázirge bul sheshimdi resmı túrde rastaǵan joq.
«Reseı aldaǵy kúnderi qandaı saıasat ustanatyny kóp nárseni aıqyndaıdy. Eger qaıtadan áýe dabyly, Qara teńizde áskerı belsendilik, reseılik manıpýlıaııalar bolsa, onda Máskeýge qarsy jańa sharalar qabyldaýǵa týra keledi», – dep jazdy Zelenskıı óziniń Telegram-arnasynda.
