"MýzART" tobynyń ánshisi Meırambek Besbaev kınoındýstrııaǵa qadam basyp, óz fılmin túsirýdi josparlaýda, dep habarlaıdy "Adyrna" ulttyq portaly.
Bul týraly ánshi óziniń Instagram paraqshasynda jazdy.
Ánshi fılmge laıyqty senarıı izdep jatqanyn aıtyp, senarıstermen birlesip jumys isteýge daıyn ekenin jetkizdi.
"Qazirgi kezderi «kıno» túsirgim kep júr. Qolymnan keledi dep oılaımyn. Fılmge jaqsy senarıı bolsa birge jumys isteýge daıynmyn. Kúzge deıin qabyldaımyz. Qaı janrda túsireıik? Oılaryńyzdy jazyńyzdar", – dep jazdy ol.
Jeli qoldanýshylardyń arasynda Meırambek Besbaevtyń bul jańalyǵyna sáttilik tilep, qyzyǵýshylyq tanytqandar da, synaǵandar da boldy.
