Naýryz merekesi qarsańynda Kaztalov aýdanynda jańa mekteptiń qurylysy bastaý aldy. Jańa mektep Qonys eldi mekeniniń turǵyndaryn qýantpaq. Qazaqstan Respýblıkasynyń Prezıdenti Qasym-Jomart Kemeluly Toqaevtyń apatty mektepterdiń ornyna jańa mektepter salý tapsyrmasyna oraı, Batys Qazaqstan oblysy ákimdiginiń josparyna sáıkes 60 oryndyq mektep - «Qarashyǵanaq Petrolıým Opereıtıng B.V.» kompanııasynyń áleýmettik jaýapkershiligi jobasy negizinde salynýda.
21 naýryz kúni aýdan ákimi Aslanbek Sarqulov qurylys alańyna baryp, «Qarashyǵanaq Petrolıým Opereıtıng B.V.» kompanııasynyń áleýmettik jobalar jáne qurylys bóliminiń basshysy Erjan Áýbákirov jáne merdiger «Smartech» JShS-niń dırektory Jánibek Baıhatovpen kezdesti. Kezdesýge aýdan ákiminiń orynbasarlary Aıdar Meneev, Serik Qaıyrlıev, Kaztalov aýyldyq okrýginiń ákimi Ernar Ǵalymov qatysty. Aýdan ákimi Aslanbek Ahmetollauly mekteptiń sapasyna jáne qurylystyń merzimge saı júrýine asa mán berý qajettigin basa aıtty.
- Qonysta jańa mektep salý máselesi birneshe jyldan beri kóterilip keledi. Halyq jańa bilim ordasyn asyǵa kútýde. Aýdanymyzda birneshe mekteptiń qurylysy jaýapsyz merdigerlerdiń kesirinen baıaý júrgizilgeni málim. Sondyqtan aldymen mekteptiń sapasyna, sodan soń qurylys qarqynyn arttyrýǵa mán berińizder. Mektepti belgilengen ýaqytta paıdalanýǵa berýimiz qajet, - dedi aýdan ákimi.
Aýmaǵy 1709,5 sharshy metrdi quraıtyn jańa mekteptiń qurylys jumystary 1 qyrkúıekke deıin aıaqtalady dep josparlanyp otyr.
«Smartech» JShS-niń dırektory Jánibek BAIHATOV:
- «Smartech» JShS Kaztalov aýdany, Qonys aýylyna 60 oryndyq mektep salýǵa merdiger bolyp jatyrmyz. Jumysty bastap kettik. Merzim uzaqtyǵy – 6 aı. 1 qyrkúıekke deıin bul jumystardy tapsyramyz. Qazirgi tańda obekt basynda 25 adam kúshi, 6 tehnıka kúshi jumyldyrylǵan. Jumystar kestege sáıkes júrgizilýde.
Qonys JOBBM-niń dırektory Óbıla AIaP:
- Bul mektep 1976 jyly paıdalanýǵa berildi. Qazirgi kezde 49 jyl boldy. Mektebimiz 2021 jyly apatty dep tanylǵan bolatyn. Qazir tolyq kontıngentimiz oryndalyp tur. Jalpy endi shaǵyn quramdy orta mektepterde 81 oqýshy bolatyn bolsa, bizde 92 oqýshymyz bar. Jańa mekteptiń qurylysy bastaldy. Bul bizdiń kópten kútken qýanyshymyz. Aýyl bolyp qýanyp otyrmyz. Aýylymyz kórkeıip, odan ári damı beredi dep oılaımyz. Byltyrǵy jyly aýylymyzda 12 jańa úı boı kóterdi. Aýylǵa 7 otbasy kóship kelip jatyr. 64 adam qosyldy aýylymyzǵa. Onyń ishinde 11-i mektep jasyndaǵy balalar. Osy aýyldaǵy salynyp jatqan mektep qurylysy úshin Prezıdentimizge, obylys jáne aýdan basshylaryna alǵysymyz sheksiz. Jańa oqý jylyn jańa mektepte bastaımyz degen oıdamyz.
Qonys JOBBM-niń 9 synyp oqýshysy Regına ERNAZAROVA:
Osy aýylymyzǵa jańadan mektep salynyp jatqanyna barlyǵymyz qýanyshtymyz. Kaztalov mektep-lıeıine barǵan kezde mektepterine qyzyǵatynbyz. Osyndaı jaǵdaı óz mektebimizde bolatynyna qýanamyz. Aýylymyz kishkentaı bolǵanymen, jaımen kórkeıip jatqanyna qýanyshtymyz jáne de aldaǵy ýaqytta ózimizdiń úlesimizdi qosamyz degen oıdamyn.
