20 naýryz kúni Hıýada Qazaqstan men Ózbekstan SIM keńesiniń alǵashqy otyrysy ótti, dep habarlaıdy «Adyrna» tilshisi.
Kún tártibinde ekijaqty yntymaqtastyqtyń keń aýqymdy máseleleri qaraldy, sonyń ishinde saıası, saýda-ekonomıkalyq, ınvestıııalyq, kólik jáne logıstıkalyq, sý-energetıkalyq jáne mádenı-gýmanıtarlyq baılanystardy damytý jaıy talqylandy. Taraptar strategııalyq seriktestik pen odaqtastyqty nyǵaıtýǵa beıildiligin rastady.
Syrtqy ister mınıstri Murat Nurtileý memleket basshylarynyń saıası erik-jigeri men danalyǵynyń arqasynda qazaq-ózbek qatynastary jańa deńgeıge kóterilgenin atap ótti. Sondaı-aq ol bıik jáne joǵary deńgeıdegi saıası dıalogty odan ári damytý men parlamentaralyq baılanystardy jandandyrýdyń mańyzdylyǵy ekenin málimdedi.
Óz kezeginde Ózbekstan Syrtqy ister mınıstri Bahtııor Saıdov eki el basshysynyń tikeleı bastamasymen yntymaqtastyqtyń barlyq deńgeıde qarqyndy keńeıip jatqanyn rastady.
Taraptar saýda-ekonomıkalyq baılanystardy nyǵaıtý, ózara taýar aınalymyn arttyrý jáne ónerkásip, aýyl sharýashylyǵy, kólik, logıstıka, qurylys salalaryndaǵy birlesken ınvestıııalyq jobalardy iske asyrý boıynsha kelisilgen sharalardy qabyldaýǵa ýaǵdalasty.
Qazirgi ýaqytta Qazaqstan Ózbekstannyń úsh negizgi saýda seriktesiniń qataryna kiredi, eki el arasyndaǵy jyldyq taýar aınalymy 4 mlrd AQSh dollarynan asady. Memleket basshylarynyń tapsyrmalaryna sáıkes 2030 jylǵa deıin bul kórsetkishti 10 mlrd dollarǵa jetkizý jáne «Ortalyq Azııa» halyqaralyq ónerkásiptik kooperaııa ortalyǵyn iske qosý josparlanyp otyr.
