Kenesary hannyŋ ölımı üşın qazaqtardan keşırım sūraǧan qyrǧyz änşısı Qairat Primberdiev qamaudan şyqty, dep habarlaidy «Adyrna» tılşısı.
Öner iesı Bışkek qalasynyŋ Pervomai audandyq sotynyŋ şeşımı boiynşa QR qylmystyq kodeksınıŋ 330-baby, 1-bölımı boiynşa känılı dep tanylǧan.
«Qazaq elınen öz atymnan Kenesary basy üşın keşırım sūraimyn degen sözderım qoǧamda qyzu talqyǧa tüsıp, keiın Ūlttyq qauıpsızdık komitetı şaqyrǧan edı. Nätijesınde 330-bap, elder arasynda qastyqty qozdyru degen aiyp aiasynda sot öttı. Ükım küşıne endı. 100 myŋ som (580 myŋ teŋge — red.) qyrǧyz memleketı biudjetıne töleitın boldym», – dedı ol äleumettık jelıdegı paraqşasynda.
Aqpan aiynda Qyrǧyzstannyŋ ūlttyq qauıpsızdık memlekettık komitetı Qairat Primberdievtı qamauǧa alǧan bolatyn. Sondai-aq oǧan elden şyǧuǧa tyiym salyndy.
Qyrǧyzstan zaŋnamasyna säikes, ūltaralyq, dıni nemese aimaqaralyq arazdyqty qozdyruǧa baǧyttalǧan äreketter üşın 10 jylǧa deiın bas bostandyǧynan aiyru jazasy qarastyrylǧan. Degenmen, sot änşıge aiyppūl salumen şekteldı.
