Mańǵystaýda quny 1,35 mlrd dollardy quraıtyn ammıak pen karbamıd óndiretin zaýyt qurylysy bastalady Premer-mınıstr Oljas Bektenov tıisti qaýlyǵa qol qoıdy. Bul týraly búgin, 21 naýryzda Úkimettiń baspasóz qyzmeti aıtty, dep habarlaıdy «Adyrna» tilshisi.
Jobany QazaqGaz jáne ESTA birlesken kásiporny — «Qazesta Fertilizers LTD» kompanııasybazasynda iske asyrý josparlanyp otyr. Úkimettiń málimetinshe, zaýyttyń orny retinde Mańǵystaý oblysy tańdaldy. Bul ónimderdi Kaspıı teńizi arqyly eksporttaýǵa ońtaıly jaǵdaılardy qamtamasyz etedi. Esta Construction túrik kompanııasy álemdegi eń úzdik 100 qurylys kompanııasynyń qataryna kiredi.
«Jobanyń quny – 1,35 mlrd dollar. Qurylysty úsh jarym jylda aıaqtaý josparlanyp otyr. Iske asyrý kezeńinde 3 myńǵa deıin adam tartylyp, qurylys aıaqtalǵannan keıin 400 turaqty jumys orny ashylady. Zaýyttyń óndiristik qýaty jylyna 700 myń tonnaǵa deıin karbamıdti jáne 42 myń tonna ammıakty quraıdy»,—delingen habarlamada.
Joba gaz hımııasy salasyn damytýǵa, sondaı-aq ımportty almastyrýǵa jáne qosylǵan quny joǵary ónimderdi daıyndaýǵa baǵyttalǵan.
Eske salaıyq, 4 naýryzda úkimet basshysy Oljas Bektenov ESTA Construction kompanııasynyń bas dırektory Mustafa Toprakpen kezdesip, elimizde 675 mlrd teńgeniń hımııa zaýytyn salý máselesin talqylaǵan edi.
