AUYL SPORT jobasy óz aýqymyn keńeıtip, jańa múmkindikter usynýda. Endi baǵdarlama aıasynda aýyldyq jerlerde taǵy bir qyzyqty sport túri – ústel tennısi qoljetimdi bolmaq. Bul bastama Tımýr jáne Dınara Qulybaevtar negizin qalaǵan Halyk qaıyrymdylyq qory men Qazaqstan Respýblıkasynyń Ústel tennısi federaııasy arasyndaǵy yntymaqtastyq nátıjesinde júzege asýda.
Bul kelisimniń basty maqsaty – aýyldyq aımaqtarda ústel tennısin damytý, balalardy sportqa tartý jáne jattyqtyrýshylar men tóreshilerdiń biliktiligin arttyrý.
AUYL SPORT jobasy aıasynda aýyl balalary jańa múmkindikterge ıe bolyp, óz talanttaryn damytpaq.
Joba aıasynda taraptar ádistemelik qoldaý kórsetý, jarystar men basqa da sporttyq is-sharalardy uıymdastyrý jóninde kelisimge keldi. Sondaı-aq, bul yntymaqtastyq qaıyrymdylyq mádenıetin damytý men buqaralyq sportty nasıhattaýǵa baǵyttalǵan.
“Aýyldyq jerlerde sportty damytý – bizdiń qordyń basty mindetteriniń biri. Biz óńirlerde buqaralyq sportty damytýǵa arnalǵan aýqymdy jobalardy júzege asyryp kelemiz. AUYL SPORT jobasyna ústel tennısiniń qosylýy – balalar men jasóspirimder úshin jańa múmkindikterdiń bastaýy”, – deıdi Halyk qorynyń atqarýshy dırektory Ǵalymbek Jaqsylyqov.
Ústel tennısi – álemdegi eń qoljetimdi sport túrleriniń biri. Ol qymbat jabdyqtardy qajet etpeıdi jáne tipti shaǵyn aýyl mektepterinde de uıymdastyrylýy múmkin. Qazaqstanda bul sport qarqyndy damyp keledi, al AUYL SPORT jobasynyń arqasynda aýyldyq jerlerdegi balalarǵa kásibı deńgeıge jetýge múmkindik ashylmaq.
AUYL SPORT – bolashaq chempıondarǵa arnalǵan platforma
2024 jyly iske qosylǵan AUYL SPORT jobasy aýyl balalaryna arnalǵan eń iri sporttyq bastamaǵa aınaldy. Byltyr óńirlik týrnırlerge 200 eldi mekennen 12 000 jas sportshy qatysyp, al fınalǵa 17 óńirden 1 300 úzdik qatysýshy óner kórsetti. Jobada qazirdiń ózinde boks, kúres, karate, basketbol, voleıbol jáne shahmat engizilgen, al 2025 jyldan bastap ústel tennısi qosylady.
2016 jyldan beri Halyk qory bilim berý, densaýlyq saqtaý jáne sportty damytýǵa baǵyttalǵan 120-dan astam áleýmettik jobany júzege asyrdy. AUYL SPORT – balalarǵa sportqa qoljetimdilik beretin, olardyń minezin qalyptastyryp, jańa múmkindikter ashatyn júıeli bastamalardyń biri.
Bul joba árbir balanyń turǵylyqty jerine qaramastan, sportpen aınalysýyna múmkindik berý arqyly olardyń taǵdyryn ózgertedi.
“AUYL SPORT – bul Halyk qorynyń Qazaqstannyń bolashaǵyna salǵan ınvestıııasy. Árbir balanyń óz áleýetin ashýǵa múmkindigi bolýy kerek”, – deıdi Ǵalymbek Jaqsylyqov.
