Respýblıkalyq ádistemelik semınardyń ózektiligi – Qazaqstan Respýblıkasynda Tilderdi qoldaný men damytýdyń 2011-2019 jyldarǵa arnalǵan memlekettik baǵdarlamasyn iske asyrý maqsatynda qazaq tilin ǵylym tili retinde damytý úshin termınderdi birizdendirý jáne irikteý krıterıılerin belgileý, prınıpterin aıqyndaý.
Semınar QR Mádenıet jáne sport vıe-mınıstri N.Dáýeshovtiń kirispe sózimen ashyldy.
Termınderdi irikteý men resmı bekitýge qoıylatyn negizgi talaptardy aıqyndaý semınardaǵy baıandamalardyń basty taqyryby boldy. QR UǴA korrespondent múshesi, fılologııa ǵylymdarynyń doktory Sh.Qurmanbaıuly óz baıandamasynda termınderdi irikteýdiń krıterıılerin jáne prınıpterin belgileý máselesin kóterip, naqty usynystaryn jetkizdi.
Kelesi baıandamashy A.Baıtursynuly atyndaǵy Til bilimi ınstıtýtynyń ǵylymı qyzmetkeri, fılologııa ǵylymdarynyń doktory Q.Kúderınova jańa álipbıge kóshý barysyndaǵy termınderdiń jazylý úlgisi máselesine toqtaldy.
Qazaq tili álipbıin latyn grafıkasyna kóshirý jónindegi Ulttyq komıssııa janyndaǵy Termınologııalyq jumys tobynyń múshesi, fılologııa ǵylymdarynyń doktory Q.Aıdarbek termınologııanyń tildik normatıvtik sharttaryn talqyǵa saldy.
Elimizdegi tanymal ǵalymdar atsalysyp jatqan «Qazaq tilindegi 100 jańa oqýlyq» jobasyn iske asyrý barysynda kezdesken qıynshylyqtar men olardy sheshý joldary jaıynda sóz alǵan Ulttyq aýdarma bıýrosynyń redaktory, fılosofııa ǵylymdarynyń kandıdaty Á.Quranbek óz tájirıbesimen bólisti.
Sh.Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵy Qoldanbaly lıngvıstıka basqarmasynyń basshysy, fılologııa ǵylymdarynyń kandıdaty S.Iteǵulova termıntaný ǵylymynyń búgingi ahýaly men termınjasamnyń basty qaǵıdalary boıynsha kópshilikke aqparat berýge arnalǵan elektrondyq alańdy tanystyrdy.
Sondaı-aq atalǵan ádistemelik semınarda birqatar ǵalymdar men sala mamandary sóz alyp, óz pikirlerin bildirdi.
Issharaǵa Prezıdent Ákimshiliginiń jaýapty qyzmetkerleri, jetekshi ǵalymdar, Qazaqstan Respýblıkasy Úkimetiniń janyndaǵy Respýblıkalyq termınologııa komıssııasynyń músheleri, Qazaq tili álipbıin latyn grafıkasyna kóshirý jónindegi Ulttyq komıssııa janyndaǵy Termınologııalyq jumys tobynyń músheleri, ortalyq jáne jergilikti atqarýshy organdardyń jaýapty qyzmetkerleri, til salasy boıynsha óńirlik basqarma basshylary men qyzmetkerleri jáne BAQ ókilderi qatysty.
Respýblıkalyq ádistemelik semınardyń qorytyndysy boıynsha termınderdi irikteý krıterıılerin belgileýge, prınıpterin aıqyndaýǵa baǵyttalǵan qarar qabyldandy.
