Naýryz meıramy qarsańynda Qaraǵandy oblysynda júzdegen otbasy jańa páter alady. Alǵashqy otbasylar óz úılerine qonystandy, barlyǵy 389 otbasy jańa turǵyn úıdiń kiltin alady.
Balqashta "Naýryznama" onkúndiginiń qaıyrymdylyq kúni aıasynda 15 jańa páter kóp balaly analarǵa, az qamtylǵan otbasylarǵa jáne múgedek adamdarǵa berildi.
Saran qalasynda 110 otbasy jana páter kiltterin aldy. Olardyń ishinde jetim balalar, kópbalaly otbasylar jáne áleýmettik osal toptardyń ókilderi bar. Bul páterler memlekettik baǵdarlama boıynsha qurylys salýshydan satyp alyndy.
— Naýryz aıynda jaqsylyqpen bólisý, syılyqtar jasaý ádetke aınalǵan. Mundaı mereke qarsańynda páterdiń kiltterin alǵanymyz biz úshin úlken baqyt —, - deıdi Saran qalasynyń turǵyny, jalǵyzbasty ana Salıkova Móldir.
Jańa páterlerdiń kiltterin tapsyrý aldaǵy kúnderi de jalǵasady. 19 naýryzda Qaraǵandyda 180 otbasy qonys toıyn toılap, 20 naýryzda Buqar Jyraý aýdanynyń Doskóı kentinde 60 otbasyǵa páter kiltteri tapsyrylady, al 21 naýryzda taǵy 24 otbasy Nura aýdanynda jańa turǵyn úı ıegeri bolady.
