10 naýryz, dúısenbi kúni Qytaı AQSh-tan ákelinetin aýyl sharýashylyǵy ónimderine jańa salyq engizdi, dep habarlaıdy "Adyrna" ulttyq portaly DW-ge silteme jasap.
Birqatar amerıkalyq agrarlyq ónimderge 10-15 paıyz kóleminde qosymsha salyq salyndy. Bul – AQSh-tyń qytaılyq ımportqa tarıfterdi taǵy da kóterýine Qytaıdyń bergen jaýaby.
Aqpan aıynyń basynan beri AQSh-qa ákelinetin qytaılyq taýarlarǵa 10 paıyzdyq salyq engizilgen edi. Al ótken aptada bul tarıf 20 paıyzǵa deıin kóterildi. Buǵan jaýap retinde Qytaı AQSh-tan ımporttalatyn aýyl sharýashylyǵy ónimderine jańa tarıfter engizetinin jarııalady.
QHR qarjy mınıstrliginiń habarlaýynsha, qosymsha 15 paıyzdyq salyq AQSh-tan ákelinetin taýyq eti, bıdaı, júgeri jáne maqtaǵa qatysty. Al júgeri, soıa, shoshqa eti, sıyr eti, balyq, jemis-jıdek, kókónis jáne sút ónimderine 10 paıyzdyq tarıf salynǵan.
10 naýryzǵa deıin jóneltilip, 12 sáýirge deıin Qytaıǵa jetken taýarlar jańa kedendik erejelerge baǵynbaıdy.
