Almaty oblysynda esirtki quramdas ósimdikterdi zańsyz ósirýmen aınalysqan qylmystyq top ustaldy, dep habarlaıdy "Adyrna" ulttyq portaly Polisia.kz-ke silteme jasap.
Kúdiktiler ózderine tıesili 10 sotyq jerde bir tonnaǵa jýyq qarasora ósirgen.
Arnaıy operaııa barysynda úsh adam ustaldy. Olardyń jalǵa alǵan úıiniń aýmaǵynan qarasora ósirýge arnalǵan 10 sotyq jylyjaı tabyldy.
"Zańsyz aınalymǵa túspeı, tárkilengen esirtkiniń jalpy salmaǵy 900 kelini qurady. Kúdiktiler ustalyp, ýaqytsha ustaý ızolıatoryna qamaldy", – dep málimdedi QR IIM Esirtki qylmysyna qarsy is-qımyl komıteti tóraǵasynyń orynbasary Qýandyq Áljanov.
IIM málimetinshe, 2025 jyldyń basynan beri zańsyz aınalymnan eki tonnadan astam esirtki tárkilengen. Onyń ishinde 120 kg sıntetıkalyq esirtki, 600 gramm kokaın jáne 140 kg-nan astam gashısh bar.
