Kanadadaǵy bıleýshi partııanyń jańa jetekshisi bolyp 59 jastaǵy burynǵy ortalyq bank basshysy Mark Karnı saılandy. Ol qańtarda bılikten ketetinin málimdegen Djastın Trıýdonyń ornyn almastyrady, dep habarlaıdy «Adyrna» tilshisi.
Karnı Trıýdonyń úkimetine kirmegen partııa kóshbasshylyǵyna jalǵyz úmitker boldy. Daýys berý nátıjesinde 85,9% qoldaýǵa ıe boldy. Ol AQSh taýarlaryna qarymta tarıf engizip, ınvestıııalardy damytatýǵa ýáde berip otyr.
Karnı Ishki partııalyq saılaýdaǵy jeńisinen soń jasaǵan alǵashqy málimdemesinde Kanadanyń eshqashan AQSh-tyń bir bóligi bolmaıtynyn málimdedi.
«Amerıka – Kanada emes. Al Kanada eshqashan AQSh-tyń bóligi bolmaıdy. Bul daýdy biz bastaǵan joqpyz. Elimiz saýdada da, hokkeıde de jeńiske jetetin bolady»,—dedi ol.
Aıta keteıik, Mark Karnı – 2008-2013 qarjy daǵdarysy jyldary Kanada bankin basqarǵan ekonomıst. Keıin ol Anglııa bankin basqardy jáne Trıýdonyń ekonomıka jónindegi keńesshisi boldy.
