Sheshenstan bıligi Ramzan Qadyrovtyń tapsyrmasymen Baký–Groznyı baǵyty boıynsha ushyp bara jatqan AZAL áýe kompanııasynyń ushaǵy apatqa ushyraǵannan keıin zardap shekken jáne qaza tapqandardyń otbasylaryna qarjylaı jáne basqa da kómek kórsetýge daıyn ekenin málimdegen bolatyn. Alaıda Ázerbaıjan eshqandaı kómekti qajet etpeıtinin málimdedi, dep habarlaıdy "Adyrna" ulttyq portaly.
Bul týraly Ázerbaıjan prezıdenti ákimshiliginiń Day.Az agenttigine bergen málimdemesinde aıtyldy.
«Ázerbaıjan eshqandaı kómekti qajet etpeıdi. Memleket te, azamattar da bul kómekti qabyldamaıdy. Biz óz azamattarymyzǵa qajetti kómekti kórsetip kelemiz jáne kórsetýdi jalǵastyramyz. Ázerbaıjan oqıǵanyń moıyndalýyn, keshirim suraýdy jáne tıisti ótemaqy tóleýdi talap etedi», – dep habarlady Ázerbaıjan prezıdenti ákimshiligindegi derekkóz.
2024 jylǵy 25 jeltoqsanda AZAL áýe kompanııasynyń Embraer 190 ushaǵy Baký–Groznyı baǵytynda ushyp bara jatyp, Aqtaý áýejaıynan 3 shaqyrym jerde apatqa ushyrady.
Ushaq bortynda 67 adam boldy. Onyń 62-si jolaýshy jáne 5 ekıpaj múshesi.
Apattan keıin aýrýhanaǵa 27 adam jetkizildi. Olardyń ishinde:
- 15 adam – Ázerbaıjan Respýblıkasynyń azamattary;
- 8 adam – Reseı Federaııasynyń azamattary;
- 3 adam – Qyrǵyz Respýblıkasynyń azamattary.
Bir adamnyń jeke basy áli anyqtalǵan joq.
Ekıpajdyń eki pıloty jáne bir bortserik qaza tapty, eki ekıpaj múshesi tiri qaldy.
26 jeltoqsanda Ázerbaıjanǵa 14 zardap shegýshi men tórt qaza tapqan adamnyń denesi Ázerbaıjanǵa jetkizildi.
