Qaraǵandy oblysynyń Buqar jyraý aýdanyndaǵy mektepterdiń birinde oqýshydan týberkýlez anyqtaldy. Ata-analar mekteptiń karantınge jabylmaǵanyna alańdaýly, dep habarlaıdy "Adyrna" ulttyq portaly.
Aýrý profılaktıkalyq tekseris kezinde belgili bolǵan. Oblystyq densaýlyq saqtaý basqarmasynyń málimetinshe, oqýshy buǵan deıin de týberkýlezben aýyryp, emdelgen.
"Aldyn alý tekserisi barysynda buryn esepte turǵan naýqasta aýrýdyń qaıta asqynǵany anyqtaldy. Bul jaǵdaı jasóspirimniń jas erekshelikterine, gormonaldy ózgeristerge jáne ımmýnıtettiń álsireýine baılanysty bolýy múmkin", — dep túsindirdi vedomstvo ókilderi.
Mektep oqýshylarynyń ata-analary balalarynyń da aýrý juqtyrýy múmkin ekenin aıtyp, alańdaýshylyq bildirdi. Alaıda, densaýlyq saqtaý basqarmasy barlyq qajetti dezınfekııalyq sharalar jasalǵanyn jáne ózge oqýshylarǵa qaýip joq ekenin málimdedi.
"Qazirgi ýaqytta naýqas staıonarda em qabyldap jatyr. Mektepte qorytyndy dezınfekııa júrgizildi, barlyq baılanysta bolǵan adamdar tekserýden ótti. Qosymsha juqtyrý derekteri anyqtalǵan joq. Ata-analarǵa sanıtarlyq-gıgıenalyq normalardy saqtaý boıynsha túsindirý jumystary júrgizildi. Qashyqtan oqytý engizýdiń qajeti joq", — dep habarlady basqarma.
