Mańǵystaý oblysynyń Munaıly aýdanyna qarasty Basqudyq aýylynda bir otbasy tabıǵı gazdan ýlanyp qaıtys boldy, dep habarlaıdy “Adyrna” ulttyq portaly.
Tótenshe jaǵdaı 2 naýryz kúni jeke turǵyn úıde bolǵan. Oqıǵa ornyna jedel jetken qutqarýshylar men medıına qyzmetkerleri besi kámeletke tolmaǵan bala bar jeti adamnyń denesin tapty.
Aldyn ala málimetterge sáıkes, qaıǵyly jaǵdaı gaz jabdyqtaryn durys paıdalanbaý saldarynan oryn alǵan. Qaza bolǵandardyń barlyǵy Qazaqstanda ýaqytsha turyp jatqan Ózbekstan azamattary ekeni anyqtaldy.
Oryn alǵan tótenshe jaǵdaıdy zertteý úshin Munaıly aýdanynda arnaıy komıssııa quryldy. Komıssııaǵa Mańǵystaý oblysy ákiminiń birinshi orynbasary Erbol Izbergenov jetekshilik etedi. Sonymen qatar, marqumdardyń týystaryna jan-jaqty kómek kórsetiletini habarlandy.
Qaıǵyly oqıǵa Mańǵystaý oblysy ákimdiginiń jeke baqylaýyna alyndy.
