Aqtóbede jeti jasar balaǵa ıt shabýyldap, júregi shydamaı kóz jumdy. Qaıǵyly oqıǵa Maresev kóshesindegi úıdiń aýlasynda bolǵan. 1 synyp oqýshysynyń denesin anasy úıinen birneshe qadam jerde taýyp alǵan, dep habarlaıdy "Adyrna" ulttyq portaly KTK arnasyna silteme jasap.
Ánýar esimdi oqýshy tańerteń anasymen birge úıden shyqqan. Anasy esikti qulyptap jatqanda, bala odan buryn shyǵyp ketken. Osy sátte qoqys konteıneriniń janynda turǵan ıt onyń ústine sekirgen.
"Qorqynyshtan ulymnyń júregi jarylyp ketti. Áıelim munyń bárin kórip turdy. Qyzym da kórdi. Keıin ıtti alyp ketti", – dedi marqumnyń ákesi.
Mektep dırektorynyń aıtýynsha, saǵat 8:00-de synyp jetekshisi sabaqqa kelmegen oqýshylardy túgendep, Ánýardyń anasymen baılanysqa shyqqan. Birneshe qońyraýdan keıin anasy balasynyń qaıtys bolǵanyn habarlaǵan.
"Anasy jylap turdy. "Balam qulap qaldy, men kómektese almadym" dedi. Qatty eseńgirep qalǵan edi", – deıdi №16 mekteptiń dırektory Elvıra Ǵalymova.
Aqtóbe oblystyq densaýlyq saqtaý basqarmasynyń basshysy Álııa Sharbaqova jedel járdem oqıǵa ornyna 5 mınýtta jetkenin, biraq kelgen sátte bala klınıkalyq ólim jaǵdaıynda bolǵanyn aıtty. 30 mınýt boıy reanımaııalyq sharalar júrgizilgenimen, nátıje bolmaǵan.
Polıııa oqıǵaǵa ıt sebep bolýy múmkin ekenin joqqa shyǵarmaıdy, biraq áli naqty aqparat bermedi.
"Beınekamera jazbalary zerttelip jatyr, kýágerlerden jaýap alynady. Balanyń denesinen zorlyq-zombylyq belgileri tabylǵan joq. Qazir sot-medıınalyq saraptama taǵaıyndaldy", – dedi Aqtóbe oblystyq IID tergeý basqarmasynyń bastyǵy Baýyrjan Asaýov.
Belgili bolǵandaı, marqum Ánýardyń ata-anasy ajyrasqan. Anasy byltyr Qandyaǵashtan Aqtóbege kóship kelgen. Otbasyda eki bala bolǵan, endi tek qyzy ǵana qaldy.
