Qazaqstan bilıgı Şveisariiada būǧattalǧan 212 million AQŞ dollaryna qatysty şaǧymynan bas tartty. Osydan keiın Şveisariianyŋ Federaldyq qylmystyq soty būl qarajatty şeşuge rūqsat berdı. Atalǧan soma sottalǧan käsıpker Qairat Boranbaevtyŋ jary Şolpan Boranbaevaǧa tiesılı boluy mümkın, dep habarlaidy “Adyrna” ūlttyq portaly «Vlast»-qa sıltep.
2022 jyldyŋ mausymynda Qazaqstan bilıgı Şveisariianyŋ Bas prokuraturasyna Boranbaevtar otbasynyŋ şottary turaly aqparat sūratyp, banktık qūjattardy talap etken. 2023 jyldyŋ mausymynda şveisariialyq sot būl esepşottardy būǧattap, Qazaqstanǧa qūjattardy jıberudı maqūldaǧan bolatyn.
Alaida, keiınnen Qazaqstan bilıgı bırneşe ret resmi hat joldap, būl qarajattyŋ zaŋsyz jolmen kelgenıne naqty dälel joq ekenın mälımdedı. Osyǧan bailanysty Şveisariia soty 2025 jyldyŋ qaŋtarynda esepşottarǧa qatysty barlyq şekteulerdı alyp tastau turaly şeşım şyǧardy.
2023 jyly Qairat Boranbaev «QazTransGaz» kompaniiasynan 14,5 milliard teŋgenı jymqyrdy dep aiyptalyp, 6 jylǧa sottalǧan edı. Bıraq ol şartty türde merzımınen būryn bosap şyǧyp, memleketke aktivterın qaitaruǧa kelıstı.
2024 jyldyŋ mamyryna deiın ol jalpy qūny 134,5 milliard teŋgenı qūraityn bırneşe aktivın qaitardy.
2021 jyly Forbes jurnaly Qairat Boranbaevtyŋ bailyǧyn $590 million dep baǧalaǧan. Alaida, 2022 jyldan bastap ol Forbes reitingterınen müldem tüsıp qaldy. Būǧan deiın Boranbaev «Qairat» futbol klubynyŋ negızgı iesı bolǧany aitylǧan edı.
Ūqsas jaŋalyqtar
