Memleket basshysy Qasym-Jomart Toqaev Premer-Mınıstr Oljas Bektenovti qabyldap, elimizdiń áleýmettik-ekonomıkalyq damýy jáne Úkimet qyzmetiniń tıimdiligin arttyrý sharalary jóninde esep aldy, dep habarlaıdy "Adyrna" ulttyq portaly Aqordaǵa silteme jasap.
Kezdesý barysynda ekonomıkany ártaraptandyrý, naqty sektordaǵy iri baǵdarlamalardy qoldaý, ınfraqurylymdy jańǵyrtý máseleleri qaraldy.
Prezıdent buǵan deıin osy baǵytta bergen tapsyrmalarynyń oryndalý barysymen tanysty.
Premer-Mınıstr jylytý maýsymynyń ótý barysy, kóktemgi egis jumystaryna daıyndyq, sondaı-aq sý tasqynyna qarsy aldyn alý sharalary týraly baıandady.
Qasym-Jomart Toqaevqa jeke ınvestıııalardy tartý jáne bıznesti damytý maqsatynda basqarýdyń zamanaýı ıfrlyq tásilderin engizý boıynsha Úkimet júrgizip jatqan jumystar týraly aqparat berildi.
Kezdesý sońynda Memleket basshysy ekonomıkanyń turaqty ósimin qamtamasyz etý jáne ártaraptandyrý jumystaryn jandandyrý jóninde tapsyrma berdi. Sondaı-aq ınfraqurylymdy damytý, energetıka men kommýnaldyq sharýashylyqty jańǵyrtý baǵytynda júıeli sharalar qabyldaýdyń mańyzyn atap ótti.
