Saýda jáne ıntegraııa mınıstri Arman Shaqqalıev elimizde kartop baǵasy 0,6 paıyzǵa tústkenin málimdedi, dep habarlaıdy "Adyrna" ulttyq portaly.
Májilis otyrsynan keıin jýrnalıster Arman Abaıulyna kartop baǵasyna baılanysty suraq qoıdy. «Kartop baǵasynyń ósimi halyqtyń narazylyǵyn týdyrǵanmen ol áli kúnge oń sheshimin tapty dep aıta almaımyz. Dál qazirgi tańda «Magným» qosymshasynda kartop 359 teńgege satylyp jatyr. Al biz bul suraqty aýyl sharýashylyǵy mınıstrine qoıǵanymyzda «Qoımada kartop jetkilikti. Tek bul jerde alypsatarlardyń áreketi baǵany oınatyp otyr» degen bolatyn. Aýyl sharýashylyǵynda elge qoljetimdi baǵada kartop bar bolsa, ony naryqqa engizýge ne kedergi?» dep surady jýrnalıst.
Arman Abaıulynyń aıtýynsha, qazirgi tańda naryqta ózimizde óndirilgen kartop jetkilikti.
«Keshe ǵana bizdiń saýda jelilerine 240 teńgeden satylýy tıis 15 myń tonna kartop jiberdik. Bizdiń óndirýshiler transporttyq shyǵyndardy qosqanda kartopty 220-240 teńgege satýǵa daıyn. Siz kartop baǵasynyń qymbattaýy saýda jelisiniń máselesi me dep surap otyrsyz ǵoı. Biz bul máseleni jan-jaqty qarastyryp, 100-ge jýyq ákimshilik is qozǵadyq. Qazirgi tańda bizde eshqandaı zań buzǵan faktiler joq. Ózińiz aıtqan «Small», «Magnum» saýda jelilerinde kartor 180 teńgege satylyp jatyr. Al eger ımporttyń kartoby bolsa, 300 teńge sekildi ártúrli baǵada bar. Biraq qazirgi tańda bizde kartop jetkilikti, eshqandaı problema joq. Ótken aptanyń ındeksi boıynsha kartop baǵasy 0,6 paıyzǵa tústi», – dedi mınıstr.
Sondaı-aq jýrnalıst «Oraza aıy qarsańynda azyq-túlik baǵasy qymbattap nemese tapshylyqqa baılanysty ajıotaj bolyp ketpeı me?» dep mınıstrden surady. Arman Abaıuly «Eshqandaı ajıotaj bolmaıdy» dep sendirdi.
«Bizdiń saýda jeliler baǵany tómendetý úshin ár túrli akııa ótkizetin bolady. Bir sózben aıtqanda oraza aıynyń kezinde azyq-túlik baǵasy kóterilmeıdi», – dedi ol.
