25 aqpanda Aýǵanstannyń ońtústigi men batysynda bolǵan sý tasqyny saldarynan 30-dan astam adam qaza taýyp, ondaǵan adam jaraqat aldy, dep habarlaıdy "Adyrna" ulttyq portaly AmuTV-ǵa silteme jasap.
Sý tasqyny nóser jaýynnyń saldarynan oryn alǵan. Batystaǵy Farah provınııasynda keminde 23 adam qaza taýyp, 44 adam jaraqat aldy. Qurbandar arasynda ártúrli jastaǵy erler men áıelder bar. Bılik ókilderi qaza tapqandar sany áli de artýy múmkin ekenin málimdedi.
Farah provınııasynyń polıııasy adam shyǵynyn rastady.
Osy kúni Gılmend jáne Kandagar provınııalarynda keminde 10 adam, sonyń ishinde balalar sý tasqynynan qaza tapty. Sonymen qatar, Gılmendtiń Gereshk aýdanynda turǵyn úıge naızaǵaı túsýi saldarynan alty adam jaraqat alǵan.
Aýǵanstanda 2024 jyly birneshe iri sý tasqyny bolyp, júzdegen adamnyń ómirin jalmaǵan edi.
Mamyr aıynda Baǵlan provınııasynda 315 adam qaza taýyp, 1600-den astam adam jaralansa, Al, sáýirde BUU málimeti boıynsha, 23 provınııada 100-den astam adam qaza tapqan. Shildede eldiń shyǵysy men soltústik-shyǵysyndaǵy aımaqtarda 58 adam kóz jumyp, 380 adam jaralanǵan.
Bılik ókilderi aldaǵy kúnderi jaǵdaıdyń odan ári nasharlaýy múmkin ekenin eskertýde.
