Bügın, 24 aqpanda Astanada Qazaqstan Respublikasynyŋ Premer-ministrı Oljas Bektenov pen alǧaşqy resmi saparymen kelgen Qyrǧyz Respublikasy Ministrler kabinetınıŋ töraǧasy – Prezident Äkımşılıgınıŋ basşysy Adylbek Qasymaliev şaǧyn jäne keŋeitılgen qūramda kelıssözder jürgızdı, dep habarlaidy «Adyrna» tılşısı.
Taraptar Qazaqstan Prezidentı Qasym-Jomart Toqaev pen Qyrǧyzstan Prezidentı Sadyr Japarov arasynda qol jetkızılgen uaǧdalastyqtardyŋ jüzege asyrylu barysyn qarady. Onda sauda-ekonomikalyq, investisiialyq, tranzittık-kölık, su-energetikalyq, turistık, mädeni-gumanitarlyq yntymaqtastyq, sondai-aq AÖK-ke qatysty mäselelerdıŋ keŋ auqymy qamtyldy.
«Memleket basşylarymyzdyŋ özara senım men şynaiy dostyq ruhyndaǧy tūraqty bailanystary bızdıŋ köpqyrly qatynastarymyzdy jaŋa belesterge köteruge yqpal ettı. Sauda bailanystaryn nyǧaitu jäne tereŋdetu ekı el ekonomikasynyŋ damuyna multiplikativtı äser etedı. Ötken jyldyŋ qorytyndysy boiynşa özara sauda körsetkışterı taǧy da artyp, $1,7 mlrd-ty qūrady. Sonymen qatar bız sauda-ekonomikalyq özara ıs-qimyldy odan ärı keŋeitu üşın aitarlyqtai äleuettı körıp otyrmyz», — dep atap öttı Oljas Bektenov.
Kelıssözder barysynda äleuettı aşu jäne tauar ainalymyn arttyru tetıkterı talqylandy.
Tranzittık-kölık salasynda qazaq-qyrǧyz şekarasynyŋ ötkızu qabıletın arttyru boiynşa keşendı şaralar ıske asyryluda. Şekarada «Aqsu» – «Kamyşanovka» jäne «Besaǧaş» – «Kichi-Kapka» beketterı siiaqty avtomobil ötkızu punktterın jaŋǧyrtu jäne keŋeitu jūmystary jürgızılude. Sondai-aq «Sortöbe» – «Tokmok» jäne «Auqatty» – «Ken-Bulun» ötkızu beketterın damytu josparlanǧan.
Su-energetika salasyndaǧy yntymaqtastyqqa erekşe köŋıl bölınedı. Şu jäne Talas özenderı boiynda vegetasiialyq kezeŋde sumen qamtamasyz etu, Kirov su qoimasyn qauıpsız paidalanu jäne öŋırlık energetikalyq qauıpsızdık mäselelerı talqylandy.
Turizm – özara tiımdı yntymaqtastyqtyŋ maŋyzdy baǧyty. Jaŋa turistık baǧyttardy damytu şaralary onyŋ ışınde, transşekaralyq eko-baǧyttar qūru, belsendı turizm üşın infraqūrylymdy damytu jäne qonaq üi biznesıne investisiialar tartu mäselelerı talqylandy.
Mädeni-gumanitarlyq yntymaqtastyq jelısı boiynşa biyl Qyrǧyzstanda Qazaq kinosy künderın ötkızu josparlanǧan, sondai-aq Qyrǧyzstan aumaǧynda qazaqstandyq joǧary oqu oryndarynyŋ filialdaryn aşu mäselelerı pysyqtaluda.
Kelıssözder qorytyndysy boiynşa Premer-ministr Oljas Bektenov Qazaqstan Ükımetı qazaq-qyrǧyz sauda-ekonomikalyq ärıptestıgınıŋ joǧary serpının qoldauǧa daiyn ekenın atap öttı.
