Elimizde jumyrtqa baǵasyn turaqtandyrý boıynsha memorandým jasaldy, dep habarlaıdy «Adyrna» tilshisi.
«Negizgi maqsat — taraptardyń baǵa turaqtylyǵyn qamtamasyz etýge degen ózara múddeliligi men bıznestiń áleýmettik jaýapkershiligin arttyrý. Qol qoıylǵan memorandým aıasynda Qus ósirýshiler odaǵy men Qaýymdastyq qus fabrıkalarynyń qoımalary men fırmalyq dúkenderinde satylym baǵasynyń turaqtylyǵyn qamtamasyz etýge mindetteme aldy. Óz tarapynan Saýda jelileri odaǵy zańnama talaptaryna sáıkes saýda ústemesi mólsherin saqtaýyn qamtamasyz etedi jáne osy sanattaǵy jumyrtqalardy satýdan syıaqy talap etpeıdi»,—delingen habarlamada.
Aýyl sharýashylyǵy mınıstrligi jergilikti óndirýshilerdi qorǵaý maqsatynda jumyrtqa ımportyna shekteý engizý máselesin qarastyryp, Saýda jáne ıntegraııa mınıstrligimen birge zańsyz ımporttyq jumyrtqalardy naryqqa shyqpaýyn, olardy aınalymnan alý jóninde baqylaý sharalaryn qabyldaıdy.
Saýda jáne ıntegraııa mınıstrligi memorandým aıasynda baǵa monıtorıngin júrgizip, onyń sharttarynyń oryndalýyn baqylaıdy.
Eske salaıyq, ótken jyldyń qazan aıynda Ulttyq statıstıka bıýrosy sarapshylary elimizde jumyrtqa quny ortasha eseppen 11,6%-ǵa qymbattaǵanyn aıtqan edi.
