23 aqpanda Astana qalasynyń ákimi Jeńis Qasymbek Instagram paraqshasynda azyq-túlik qaýipsizdigine baılanysty shaharda qandaı is-sharalar júzege asyp jatqany týraly aıtty, dep habarlaıdy «Adyrna» tilshisi.
«Qalamyzda azyq-túlik qaýipsizdigin nyǵaıtýǵa septigin tıgizetin kásiporyndar ashýdy ary qaraı jalǵastyramyz. Men tamaq ónerkásibin, logıstıkany, saýdany jáne taǵy basqa damytatyn jańa ári salynyp jatqan kásiporyndardy aralap shyqtym. «RnR Group» JShS kásiporyndar kesheniniń jumysymen tanystym. Ol – táýligine 25 tonna ónim shyǵaratyn nan zaýyty jáne kókónis qoımasy. 2026 jyly táýligine 100 tonna sút óńdeıtin zaýyt ashý josparlanyp otyr. Bul jobaǵa tartylǵan jeke ınvestıııalar somasy 8,1 mlrd teńgeni qurady. Qazirdiń ózinde 250-ge jýyq jumys orny ashyldy»,—dep túsindirdi ol.
Aıtýynsha, bıyl jeke ınvestıııalar esebinen Saraıshyq aýdanynda «Tehnodom» dúkender jelisiniń ortalyq qoımasyn ashý josparlanyp otyr. Jobaǵa tartylǵan ınvestıııa 11,1 mlrd teńgeni quraıdy. Nátıjesinde 200-ge jýyq jańa jumys orny ashylmaq.
