Almaty oblysyndaǵy I. Núsipbaev atyndaǵy mektep-ınternatta balalar jartylaı qıraǵan ǵımaratta turyp jatyr, dep habarlaıdy "Adyrna" ulttyq portaly.
Bul týraly Qazaqstandaǵy bala quqyqtary jónindegi ýákil Dınara Zakıeva óziniń áleýmettik jelisinde jazba jarııalady.
"Keshe Almaty oblysynda "Balalar qorǵaýda" qorynyń jetekshisi Janna Ahmetovamen birge I. Núsipbaev atyndaǵy mektep-ınternatyndaǵy balalardyń ómir súrý jaǵdaıyn zerttedik. 6 jastan asqan 170 bala ınternatta aýyr jaǵdaıda ómir súrip jatyr. Úsh jyl buryn mekemede kúrdeli jóndeý jumystary bastalǵanymen, merdiger ony aıaqtamaǵan. Sonyń saldarynan balalar jartylaı qıraǵan ǵımaratta turýǵa májbúr. Oqý korpýsynda túnep, sportzalda tamaqtanady. Al sanıtarlyq-gıgıenalyq normalar buzylýda" - dep jazdy ol.
Balalar jónindegi ýákildiń aıtýynsha bul máseleni Almaty oblysynyń ákimi Marat Sultanǵazıevpen kezdesý barysynda talqylaǵan.
"Ákidik jóndeý jumystaryn aıaqtaý nemese jańa ınternat salý máselesin qarastyrǵan. Alaıda balalardy qazirgi qıyn jaǵdaıda qaldyrmaı, olardy jaqynda jóndeýden ótken jáne bos oryndary bar basqa ınternatqa kóshirý týraly sheshim qabyldandy" - dep jazdy Dınara Zákıeva.
