Bitirýshi kýrsanttar jaıaý áskerdiń jaýyngerlik mashınalary men tankterde 100 shaqyrymǵa marsh jasady
Qurlyq áskerleri Áskerı ınstıtýty bitirýshi kýrsynyń kýrsanttary ózderiniń mamandyqtary boıynsha dalalyq praktıkalyq sabaqtardan ótti.
Bolashaq ofıerler is júzinde alǵan teorııalyq bilimderin pysyqtap, áskerı tehnıkany basqara alý sheberlikterin pash etti jáne sý bógetterin urys mashınasymen eńserýdiń barlyq múmkindikterin zerdeledi.
Qurama ekıpajdar quramynda olar jaıaý áskerdiń jaýyngerlik mashınalary men T-72 tankterinde 100 shaqyrymdyq marsh jasady. Arnaıy ol úshin áskerı ınstıtýttyń oqý-jattyǵý ortalyǵynda kórsetilimdi sabaq uıymdastyryldy.
Jaýyngerlik tehnıkadaǵy marsh - bul joldar men lekti joldar arqyly vzvodtyń nemese rotanyń legi quramyndaǵy jaı ǵana júris emes. Eń aldymen, marshty josparlaý jáne uıymdastyrý boıynsha barlyq dárejedegi komandırlerdiń jumysy.
Kýrsanttar jaýyngerlik mashınalardy júrgizý, kúrdeli jaǵdaıda manevrleý, ártúrli kedergilerdi eńserýde tabandylyq pen batyldyqty pash etti.
«Marshty uıymdastyrý men ótkizýdi zerdeleý kezeń-kezeńmen ótedi. Birinshi kýrsta kýrsanttar bólimshe komandıriniń jumysy kóleminde, ekinshi jáne úshinshi kezeńde vzvod jáne rota komandıri kóleminde qajetti máselelerdi zerdeleıdi. Bolashaq ofıerlermen 100 shaqyrymdyq marsh oqytýdyń sońǵy tórtinshi kýrsynda batalon komandıri aýqymynda ótkiziledi», - dedi Qurlyq áskerleri Áskerı ınstıtýty oqý bóliminiń bastyǵy podpolkovnık Jánibek Sarǵazın.
Praktıkalyq sabaqtar oqyp-úırenýshilerdiń taktıkalyq, atys jáne ádistemelik mashyǵyn arttyrýǵa yqpal etetinin, urysty uıymdastyrý men júrgizýdegi qabiletterin jetildiretinin aıta ketken jón. Kýrsanttar áskerlerge qyzmet etýge joǵary deńgeıdegi kásibı daıyndyqpen, ofıerler úshin qajetti bilim jáne daǵdymen attanady.
Qurlyq áskerleriniń Áskerı ınstıtýtynyń baspasóz qyzmeti
