Antalıa – Astana reısinde tóbeles shyǵarǵan qazaqstandyqtarǵa 60 mln teńge aıyppul salynýy múmkin, dep habarlaıdy "Adyrna" ulttyq portaly.
Pegasus Airlines áýe kompanııasy Antalıa – Astana reısinde janjal shyǵarǵan eki qazaqstandyq jolaýshydan 60 mıllıon teńge, shamamen 120 myń dollar, kóleminde aıyppul tóleýin talap etýde.
Ushý kezinde Qazaqstan azamattary men ýkraınalyq erli-zaıyptylar arasynda janjal týyndap, ol tóbeleske ulasqan. Ekıpaj jolaýshylardy sabasyna túsire almaǵandyqtan, ushqyshtar Túrkııanyń Erzýrým qalasyna shuǵyl qoný týraly sheshim qabyldaǵan.
Qoný barysynda janjalǵa qatysýshylardy medıınalyq tekserýden ótkizip, polıııaǵa tapsyrǵan. Ushaq janarmaı quıyp, buzaqy jolaýshylarsyz Astanaǵa qaraı ushýdy jalǵastyrǵan.
Pegasus Airlines kompanııasy jolaýshylardan ushaqtyń shuǵyl qonýyna, janarmaı quıýyna jáne reıstiń keshigýine baılanysty keltirilgen shyǵyndy óteýdi talap etýde. Sondaı-aq, olar áýe kemesinde buzaqylyq jasaǵany úshin qylmystyq jaýapkershilikke tartylýy múmkin.
«Týrıstik Qamqor» qorynyń tóraıymy Inna Reı bul oqıǵanyń saldary aýqymdy ekenin atap ótti. Onyń aıtýynsha, reıstiń keshigýi áýe kompanııasy úshin qosymsha shyǵyndarǵa, sonyń ishinde rezervtik ushaq izdeýge ákelýi múmkin.
Oqıǵaǵa qatysty túpkilikti sheshimdi sot qabyldaıdy
