Bügın, 17 aqpanda Almaty qalasy Qalalyq josparlau jäne urbanistika basqarmasynyŋ eks-basşysy Almashan Ahmedjanov 11 jylǧa sottaldy, dep habarlaidy «Adyrna» tılşısı.
Sot Ahmedjanovty QR Qylmystyq kodeksınıŋ 28-babynyŋ 5-bölıgı, 190-babynyŋ 4-bölıgı, 361-babynyŋ 1 jäne 4-bölıgı boiynşa kınälı dep tanydy. Er adam jazasyn ortaşa qauıpsızdık mekemesınde öteidı. Sondai-aq oǧan memlekettık qyzmette jūmys ısteuge ömır boiyna tyiym salyndy.
Sot otyrysynda Ahmedjanov özıne taǧylǧan aiyptardy moiyndamaitynyn jäne aiyptau aktısın tüsınbeitının mälımdedı.
Sot ükımı boiynşa būrynǧy bas säuletşımen bırge aiyptalǧan taǧy da bırneşe lauazymdy tūlǧalar sottaldy.
Almaty qalasy Jer qatynastary basqarmasynyŋ eks-basşysy Ardaq Samambetov 10 jylǧa bas bostandyǧynan aiyryldy. Al Jer qatynastary basqarmasynyŋ Jerge ornalastyru, jerdı alu jäne rezervke qoiu bölımınıŋ būrynǧy basşysy Erlan Jarmūhambetovke 14 jyl jaza kesıldı. Baǧalau kompaniiasynyŋ basşysy Almazhan Bakirov 8 jylǧa sottaldy. Mūhanbetaly Şalqarbekov pen Berık Üskembaev – käsıpkerler, 5 jylǧa şartty türde sottaldy.
Eske salaiyq, būl ıstıŋ tergeuı 2023 jyldyŋ mausymynda Almatydaǧy tau bökterındegı qūrylystardaǧy sybailas jemqorlyq täuekelderın taldau nätijesınde bastalǧan edı.
