«AMANAT» partiiasynyŋ basty mındetı – azamattardyŋ özektı mäselelerın şeşu jäne olardyŋ tūrmysyn jaqsartu boiynşa tūraqty jūmys jürgızu. Adamdardyŋ partiiaǧa degen senımınıŋ kepılı – osy. Būl turaly Mäjılıs Spikerı, «AMANAT» Töraǧasy Erlan Qoşanov ūiymdastyruşylyq jiyn barysynda aitty. Partiialyqtar byltyr atqarylǧan jūmysty qorytyndylap, bırqatar basym mındetterdı aiqyndady. Keŋeske partiianyŋ öŋırlık filialdary qosylyp, basqosu beinekonferensbailanys rejimınde öttı.
Jiyn barysynda «AMANAT» partiiasynyŋ Töraǧasy Memleket basşysy Qasym-Jomart Toqaev partiialyq jobalarǧa bırneşe ret joǧary baǧa bergenıne jäne juyrda ötken Ükımettıŋ keŋeitılgen otyrysynda «Äkımder mektebı» jobasyn ūiymdastyruda partiianyŋ oŋ täjıribesın taǧy bır ret airyqşa atap ötkenıne nazar audardy. Būl «AMANAT» partiiasy atqaryp jatqan jūmystyŋ joǧary tiımdılıgınıŋ körsetkışı jäne ärbır partiialyqqa erekşe jauapkerşılık jükteidı, dep atap öttı Erlan Qoşanov.
«Memleket basşysynyŋ auqymdy reformalary tabysty jalǧasuda. Ekonomikadaǧy, TKŞ-daǧy jäne özge de salalardaǧy būrynnan kele jatqan mäseleler şeşılude. Azamattardy tolǧandyratyn köptegen ötkır mäselelerdıŋ betı aşyluda. Ol – tarifterdıŋ ösuı, azyq-tülıktıŋ qymbattauy, janar-jaǧar mai baǧasynyŋ ösuı, QQS. Jüie qūrauşy saiasi küş retınde partiia öz jobalarymen, qabyldanyp jatqan zaŋdarymen azamattar kötergen mäselelerdı şeşuge öz ülesın qosuy kerek. Partiia ärkımnıŋ jan düniesımen ündesetın qadamdar jasai bıluge tiıs. Būl – halyqtyŋ partiiaǧa barynşa köp qoldau körsetuınıŋ kepılı», – dedı ol.
Erlan Qoşanov «AMANAT»-tyŋ aldynda tūrǧan biylǧy basym baǧyttarǧa toqtaldy. Olardyŋ qatarynda «Auyl amanaty», «Äkımder mektebı» jäne t. b. partiialyq jobalardy jüzege asyrudy jalǧastyru, jastarmen, äsırese auyldaǧy jäne jūmyssyz jastarmen jürgızıletın jūmysty küşeitu, azamattarǧa atauly kömek ūsynu, zaŋgerlık qoldau körsetu jäne t. b. Būl şaralar qoǧamnyŋ naqty sūranysyna jauap beredı jäne partiia tarapynan ünemı nazar audarudy talap etedı, dep atap öttı «AMANAT» Töraǧasy.
Atap aitqanda, 2,5 jyl boiy partiialyqtar «Jer amanaty» komissiiasy arqyly jerge qatysty ädıldıktı qalpyna keltıru mäselesımen ainalysuda. Osy mäsele ūzaq uaqyt boiy qoǧamdy dürlıktırıp keldı. Partiia osy jūmysqa aralasqannan keiın ǧana būl saladaǧy pıkırtalastar syndarly baǧytqa bet būrdy. Osylaişa, 12 mln gektar jer memleket menşıgıne qaitarylyp, onyŋ 5 mln-y azamattar arasynda bölındı. Partiianyŋ bastamasy boiynşa «Jaiylymdar turaly» jaŋa zaŋ jobasy qabyldandy. Sol arqyly köptegen mäseleler jüielı türde şeşılude. Atap aitqanda, qoǧamdyq jaiylymdar ūǧymy engızıldı. Onda jerdı qūnarlandyru, konkurstyq negızde ädıl bölu, memleket tarapynan qarjylandyru qadamdary jäne özge de normalar men jūmystar reglamentteldı.
Qarjylyq sauattylyqty arttyruǧa baǧyttalǧan «Qaryzsyz qoǧam» jobasy aiasynda ekı jylda el aumaǧynda 850 myŋ adam oqudan öttı. Halyqtyŋ şamadan tys nesie aluyn azaitu boiynşa parlamenttık tyŋdaular ötkızıldı. Al Mäjılıstegı partiia fraksiiasynyŋ müşelerı osy mäselege qatysty bankterdıŋ emes, qarapaiym adamdardyŋ müddesın qorǧaityn tüzetuler engızdı. Jalpy, «Qaryzsyz qoǧam» jobasy arqyly problemalyq nesieler deŋgeiı 2020 jylǧy 18%-dan 2024 jyly 7%-ǧa deiın tömendedı.
Öz kezegınde, «AMANAT» partiiasy Batys Qazaqstan oblystyq filialynyŋ töraǧasy Mūrat Mūqaev «Auyl amanaty» jobasy aiasynda 1200-den astam adam jeŋıldetılgen nesie alǧanyn jäne būl qadam 1400 jūmys ornyn qūruǧa mümkındık bergenın mälımdedı. Soltüstık Qazaqstan oblysy mäslihatyndaǧy partiia fraksiiasynyŋ jetekşısı İrina Ektova deputattar memlekettık organdarǧa 805 sūraq joldaǧanyn, sonyŋ nätijesınde Bulaev su qūbyryn qaita jaŋǧyrtuǧa, «Jezqazǧan-Petropavl» tas jolyn jöndeuge jäne 46 medisinalyq nysan qūrylysyn qarjylandyruǧa qol jetkızılgenın atap öttı.
«Jastar Ruhy» Qyzylorda oblystyq filialynyŋ töraǧasy Äsethan Baimūrza IT-salasyn nasihattauǧa baǧyttalǧan konkurs turaly aityp, onyŋ qorytyndysy boiynşa 4 jeŋımpaz bılım grantyn ielengenın jetkızdı. Öŋırde «Erıktı – kömekke» jobasy sättı jüzege asyp, volonterler tūrǧyndarǧa 109 senım telefony arqyly kömek körsetude.
Al Türkıstan oblysyndaǧy «Ortalyq» bastauyş partiia ūiymynyŋ töraǧasy Daniiar Köbeev Jūmysşy mamandyqtary jyly aiasynda studentter men äielderge tıgınşılık boiynşa tegın şeberlık synyptary ūiymdastyrylǧanyn habarlady.
Jiyndy qorytyndylai kele, «AMANAT» Töraǧasy Erlan Qoşanov partiialyqtar Memleket basşysynyŋ barlyq bastamasyn, Prezidentınıŋ «Ädılettı Qazaqstan: bärımız jäne ärqaisymyz üşın. Qazır jäne ärdaiym» sailaualdy baǧdarlamasyn, partiianyŋ «Halyqpen bırge!» sailaualdy baǧdarlamasyn, sondai-aq partiialyq jobalardy ıske asyru jūmysyn küşeituge tiıs ekenın atap öttı.
Sonymen qatar, partiia Töraǧasy «AMANAT»-tyŋ Äielder qanatynyŋ, «Jastar Ruhy» jastar qanatynyŋ qyzmetın jandandyru jäne qoǧamda sifrlyq gigienany ılgerıletu jönınde bırqatar tapsyrma berdı.
