Qazaqstandaǵy balalar hırýrgııasynyń negizin qalaýshy, qoǵam qaıratkeri Kamal Ormantaev 89 jasynda ómirden ótti, dep habarlaıdy "Adyrna" ulttyq portaly.
Akademıktiń qaıtys bolǵany týraly onyń uly Jaras Ormantaevóziniń Facebook paraqshasynda jazdy.
«Búgin keshke meniń súıikti ákem, Qazaqstandaǵy balalar hırýrgııasynyń negizin qalaýshy – akademık Kamal Ormantaev dúnıeden ótti», – dep jazdy ol.
Kamal Ormantaev – pedıatr-dáriger, medıına ǵylymdarynyń doktory, professor, ǵylym qaıratkeri, QR Ulttyq ǵylym akademııasynyń akademıgi, Qazaqstannyń profılaktıkalyq medıına akademııasynyń akademıgi jáne vıe-prezıdenti, Qazaqstan Respýblıkasynyń memlekettik syılyǵynyń laýreaty.
1959 jyly QazMMI-diń pedıatrııa fakýltetin, 1961 jyly balalar hırýrgııasy kafedrasynda klınıkalyq ordınatýrany, 1965 jyly Almaty medıınalyq ınstıtýtynyń gospıtaldyq hırýrgııa kafedrasynda aspırantýrany, keıin KSRO Medıına ǵylymdary akademııasynyń pedıatrııa ǵylymı-zertteý ınstıtýtynda doktorantýrany támamdady.
Almaty medıınalyq ınstıtýtynyń balalar hırýrgııasy kafedrasynda assıstent, aýdandyq aýrýhanada pedıatr-dáriger bolyp jumys istedi. 1968-2011 jyldary S. D. Asfendııarov atyndaǵy Qazaq medıınalyq ýnıversıtetiniń balalar hırýrgııasy kafedrasyn basqardy. Sonymen qatar, Almaty medıınalyq ınstıtýtynyń pedıatrııa fakýltetiniń dekany (1978-1980, 1989-1991) jáne Qazaqstan Respýblıkasynyń Pedıatrııa jáne balalar hırýrgııasy ǵylymı ortalyǵynyń dırektory (1980-1993) qyzmetterin atqardy.
Ol 20 myńǵa jýyq hırýrgııalyq operaııa jasaǵan. Sondaı-aq, Qazaqstanda alǵash bolyp balalardaǵy keýde qýysynyń týa bitken shuńqyr tárizdi deformaııasyna torakoplastıka jasaǵan.
