Izraıl premer-mınıstri Bınıamın Netanıahý HAMAS senbi kúni tutqyndardy qaıtarmasa, Gaza sektorynda áskerı áreketterdi qaıta bastaıtynyn málimdedi, dep habarlaıdy "Adyrna" ulttyq portaly VVS-diń orys qyzmetine siltep.
«Eger HAMAS bizdiń tutqyndarymyzdy senbi kúngi túske deıin qaıtarmasa, bitim aıaqtalady, al AHAL HAMAS tolyq joıylǵansha, áskerı áreketterdi qarqyndy túrde jalǵastyrady», – delingen Netanıahýdyń málimdemesinde.
Izraıl premeri HAMAS-tyń «kelisimdi buzyp, tutqyndardy bosatýdan bas tartqannan» keıin, AHAL-ǵa Gaza sektorynyń ishinde jáne onyń aınalasynda kúshterdi shoǵyrlandyrýǵa buıryq bergenin aıtty. Onyń sózinshe, «bul operaııa jaqyn arada aıaqtalady».
Buǵan deıin HAMAS Izraıldi bitim sharttaryn buzdy dep aıyptap, ızraıldik tutqyndardy palestınalyq tutqyndarǵa aıyrbastaý proesin belgisiz merzimge toqtatqanyn málimdegen.
HAMAS kelisimniń birinshi kezeńinde bosatýy tıis 33 ızraıldiktiń 16-sy úıine oraldy. Olardyń segizi qaıtys bolǵany anyqtaldy. HAMAS áli de toǵyz tiri tutqyndy qaıtarýy kerek.
Izraıl bıliginiń málimetinshe, kelisimniń alǵashqy kezeńi maquldanǵan kezde HAMAS tutqynynda 94 adam bolǵan.
Aıta keteıik, Izraıl men HAMAS arasyndaǵy kelisim úsh kezeńnen turady. Birinshi kezeń 42 kúnge ýaqytsha atysty toqtatýdy qarastyrady. Osy kezeńde HAMAS 33 ızraıldik tutqyndy qaıtaryp, Izraıl shamamen 1,9 myń palestınalyq tutqyndy bosatady. Sondaı-aq Gaza sektorynyń turǵyn aýdandarynan áskerin shyǵarady. Bul gýmanıtarlyq kómektiń aımaqqa jetýine múmkindik beredi. Birinshi kezeńniń 16-kúni taraptar ekinshi kezeńdi talqylaýǵa kóshedi, onda tolyqtaı atysty toqtatý, qalǵan ızraıldik tutqyndardy palestınalyqtarǵa aıyrbastaý jáne Izraıl áskerin Gaza sektorynan tolyq shyǵarý qarastyrylady. Úshinshi kezeńde HAMAS Izraılge óltirilgen tutqyndardyń denelerin qaıtarady, al halyqaralyq donorlar Gaza sektoryn qalpyna keltirý jumystaryn bastaıdy.
