Búgin Almatyda Qazaq ulttyq qyzdar pedagogıkalyq ýnıversıtetiniń uıymdastyrýymen jáne Birikken Ulttar Uıymynyń qoldaýymen Ǵylymdaǵy áıelder men qyzdardyń halyqaralyq kúnine oraı ǵylymı konferenııa ótti. Is-sharany QyzPU-dyń «Turaqty damý» jáne «Ǵylym» stýdenttik ózin-ózi basqarý uıymdary uıymdastyrdy.
Is-sharada Qazaqstan Respýblıkasy Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Aqerke Abylaıhan Ǵylymdaǵy áıelder men qyzdardyń halyqaralyq kúnimen ǵylymǵa qyzyǵýshylyq tanytqan barsha stýdent-jastardy quttyqtady.
«Búgin – halyqaralyq ǵylymdaǵy áıelder kúni. Osy aıtýly kúnmen barlyq ǵylymdaǵy stýdent-jastardy quttyqtaımyn. Búgingi sharada Qazaq ulttyq qyzdar pedagogıkalyq ýnıversıtetiniń ǵylymmen aınalysyp, zerthanalarda jumys istep jatqan jas ǵalymdarynyń kórmesimen tanystyq. Elimiz úshin, jalpy ınjenerlik-tehnıkalyq baǵyttaǵy ǵylymdy damytý, sondaı-aq óndiristi jetildirý – asa mańyzdy. Osy oraıda, jastarymyzdyń qolmen jasaǵan sabyn ónimderin kórip, tehnologııalyq proesterdi tıimdi júrgizý arqyly onyń paıdaly tustaryn arttyrýǵa arnalǵan zertteý jumystarymen tanystyq. Jastarǵa, ásirese ǵylym jolynda júrgen qyzdarymyzǵa aıtarym – ǵylymdy jalǵastyrý qajet. Bastalǵan ǵylymı izdenisti toqtatýǵa bolmaıdy. Sol sebepti bakalavrıatta oqyp jatqan stýdentterge tabys tileımin. Olardyń bolashaqta magıstratýra men doktorantýrada bilimin jalǵastyryp, Qazaq ulttyq qyzdar pedagogıkalyq ýnıversıtetinde elimizdiń ǵylymı kadrlaryn daıarlaý isine óz úlesterin qosa berýlerine tilektespin», – dedi Qazaqstan Respýblıkasy Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Aqerke Abylaıhan.
Konferenııaǵa ekologııa magıstri, «Ecology Consulting» kompanııasynyń basshysy, eko-etno-dızaıner, ekotrener jáne ekologııalyq belsendi Botakóz Sadybekova, Yokogawa Electric Kazakhstan kompanııasynyń ınjeneri Dúısenbek Inkar Dáýrenqyzy, sondaı-aq Qazaq ulttyq qyzdar pedagogıkalyq ýnıversıtetiniń PhD doktorlar quramy arnaıy shaqyryldy. Sonymen qatar konferenııa qonaqtary retinde Ál-Farabı atyndaǵy Qazaq ulttyq ýnıversıteti, Qazaq-Brıtan tehnologııalyq ýnıversıteti, Halyqaralyq aqparattyq tehnologııalar ýnıversıteti, Sport jáne týrızm akademııasy, M. Tynyshpaev atyndaǵy ALT University stýdentteri qatysty.
Ǵylym salasyndaǵy áıelderdiń rólin dáripteý jáne jas ǵalymdardy yntalandyrý maqsatynda ótken ǵylymı konferenııada jaratylystaný, fızıka, matematıka jáne ıfrlyq tehnologııalar baǵyttarynda júrgizilip jatqan zamanaýı zertteýler men ınnovaııalyq jobalar talqylandy.
«Almaty qalasyndaǵy Birikken Ulttar Uıymy ǵımaratyna qosh keldińizder! Búgin biz Qazaq ulttyq qyzdar pedagogıkalyq ýnıversıtetimen birlesip, ǵylymdaǵy áıelder men qyzdardyń halyqaralyq kúnine oraı úlken merekelik shara ótkizip otyrmyz. Jastardyń ǵylymǵa degen qyzyǵýshylyǵyn jáne óz bilimderin tájirıbege aınaldyra alǵanyn kórip, erekshe qýanyp otyrmyn. Osyndaı mańyzdy sharany birlesip uıymdastyrǵanymyzǵa óte qýanyshtymyn», – dedi BUU Jahandyq kommýnıkaııalar departamentiniń ókili, Qazaqstandaǵy BUU Aqparattyq ortalyǵynyń basshysy Vlastımıl Samek.
Is-shara aıasynda ǵylymı jármeńke uıymdastyrylyp, onda stýdentter ózderiniń ǵylymı jobalaryn tanystyrdy. Ár qatysýshy óz zertteýiniń maqsaty men nátıjelerin jan-jaqty túsindirip, ǵylymı qaýymdastyqpen pikir almasty.
«Bizdiń jobamyzdyń ataýy – «Aqyldy avtoturaq». Qazirgi tańda kóptegen saýda jáne saýyqtyrý ortalyqtarynda avtoturaq máselesi jıi kezdesedi. Júrgizýshilerdiń kólikterin durys qoımaýy saldarynan basqa júrgizýshilerge bos oryn tabý qıynǵa soǵady. Bizdiń jobamyz dál osy máseleni sheshýge arnalǵan. Bolashaqta jobany damytyp, ony iske asyrýdy maqsat etip otyrmyz», – dedi Qazaq ulttyq qyzdar pedagogıkalyq ýnıversıtetiniń «Informatıka jáne robototehnıka» bilim berý baǵdarlamasynyń 3 kýrs stýdenti Jarqynaı Bahytjan.
Sharada Qazaq ulttyq qyzdar pedagogıkalyq ýnıversıtetiniń Stýdenttik Rektorat quramy «Ǵylymdaǵy áıelder» taqyryby boıynsha baıandama jasady. Konferenııanyń negizgi bóligi ǵylymı jobalar men zertteý jumystarynyń qorǵalýyna arnaldy. Qatysýshylar óz zertteýlerin jan-jaqty tanystyryp, ınnovaııalyq sheshimder usyndy. Paneldik pikirtalas barysynda ǵylym men tehnologııa salasyndaǵy ózekti máseleler talqylanyp, qatysýshylar ýnıversıtettiń PhD doktorlary quramynan tikeleı jaýap alý múmkindigine ıe boldy.
Konferenııa sońynda BUU jahandyq kommýnıkaııalar departamentiniń ókili jáne QR BUU Aqparattyq ortalyǵynyń basshysy Vlastımıl Samek jáne Ǵylymı jumys jáne halyqaralyq yntymaqtastyq jónindegi prorektor Djýmakýlov Zakır Danııarovıch belsendi stýdentter men qonaqtarǵa alǵysyn bildirip, ǵylym men bilimge qosqan úlesteri úshin Alǵys hattar tabystady.
«Búgingi sharada bizdiń doktoranttarymyz, stýdentterimiz jáne zertteýshilerimiz ózderiniń ǵylymı jobalaryn usyndy. Sonymen qatar áıelderdiń tarıhtaǵy jáne qazirgi ǵylymǵa qosqan mańyzdy úlesi týraly da aıtyldy. Sharanyń basty maqsaty – stýdent qyzdardy ǵylymǵa tartý», – dedi Qazaq ulttyq qyzdar pedagogıkalyq ýnıversıtetiniń Ǵylymı jumys jáne halyqaralyq yntymaqtastyq jónindegi prorektory Djýmakýlov Zakır Danııaruly.
Bul is-shara ǵylym salasyndaǵy áıelderdiń rólin aıqyndap qana qoımaı, jas ǵalymdardy jańa jetistikterge jeteleýge jáne olardyń ǵylymı izdenisterin qoldaýǵa baǵyttalǵan mańyzdy qadam boldy.
