Almatyda eŋ ülken meşıt aşylmaq. Keptelıs endı ne bolmaq?

2025 jyly Almatyda 20 000 adamǧa arnalǧan eŋ ülken meşıttıŋ aşyluy josparlanyp otyr,  dep habarlaidy «Adyrna» tılşısı Ulysmedia.kz-ke sılteme jasap. 2017 jyldan berı salynyp kele jatqan ǧibadat orny Ortalyq Aziiadaǧy eŋ ırı dıni keşenderdıŋ bırı bolmaq. Būl taqyryp qoǧamda Aqsūltan Qalievtıŋ äleumettık jelıdegı jazbasynan keiın qyzu talqylana bastady. Ol Almatydaǧy jūma küngı kölık keptelısınıŋ basty sebepterınıŋ bırı retınde qaladaǧy meşıtterdıŋ azdyǧyn jäne olardyŋ tarlyǧyn atap öttı. Onyŋ pıkırınşe, ırı meşıtterdıŋ jetıspeuı, äsırese ortalyq audandarda, köşelerdıŋ şamadan tys jükteluıne alyp keledı.

 

View this post on Instagram

 

A post shared by AKSULTAN KALIYEV (@aksultankali)

“Kulibaev meşıtı” dep jatyr

Aqsūltan Qalievtıŋ jazbasyndaǧy pıkırlerdı zerdelesek, keibır qoldanuşylar jaŋa meşıttı “Qūlybaev meşıtı” dep atap jatyr. Būl pıkır Qazaqstandaǧy jekemenşık mesenattardyŋ osyndai jobalarǧa qarjylai qoldau körsetuınıŋ qoǧamda qalai qabyldanatynyn körsetedı. “Halyq” qaiyrymdylyq qorynyŋ baspasöz qyzmetı būl meşıttıŋ käsıpker Timur Qūlybaevtyŋ jeke qarajatyna salynǧanyn rastady. Qūrylys tolyq aiaqtalǧannan keiın ǧibadat orny Qazaqstan mūsylmandary dıni basqarmasynyŋ (QMDB) qarauyna berıledı.

Jaŋa meşıt qalalyq infraqūrylymǧa qalai äser etedı?

Joba boiynşa: Jalpy kılem töselgen aumaq – 13 500 şarşy metr Jalpy syiymdylyǧy – 20 000 adam 1 100 kölıkke arnalǧan avtotūraq Kıtaphana, 400 adamǧa arnalǧan ıs-şaralar zaly Neke qiiuǧa arnalǧan arnaiy aimaq

Sarapşylardyŋ pıkırı ekıge bölındı

Aqsūltan Qalievtıŋ pıkırınşe, jaŋa meşıt Almatydaǧy qazırgı meşıtterge jüktemenı azaityp, qala arhitekturasyna erekşe körık beredı. Alaida keibır urbanister meşıttıŋ ülken boluy keptelıstı şeşuge kömektespeuı mümkın dep sanaidy. Jurnalist-urbanist Aleksandr Levin qaladaǧy kölık aǧynyn tiımdı retteu üşın jaiau jürgınşılerge qolaily infraqūrylym, kölık logistikasy jäne qoǧamdyq kölıktıŋ tiımdı ūiymdastyryluy maŋyzdy ekenın atap öttı. Jergılıktı bilık ökılderı meşıt aşylǧannan keiın qaladaǧy kölık qozǧalysyn monitoringten ötkızıp, qajet bolǧan jaǧdaida qosymşa jol-kölık şaralaryn qabyldaitynyn habarlady.