Ötken jūma künı «AMANAT» partiiasynyŋ bazasynda Ükımettıŋ Öŋırlık saiasat jönındegı jobalyq keŋsesı Saraptamalyq ortalyǧy aşyldy. Ol «Äkımder mektebı» jobasyn jüzege asyrumen, basqaru prosesterın sifrlandyrumen, audandyq jäne auyldyq okrug äkımderıne ekonomikalyq damu baǧdarlamalaryn ıske asyruǧa kömektesumen ainalysady.
Ortalyqtyŋ jūmysymen Mäjılıs Spikerı, «AMANAT» partiiasynyŋ Töraǧasy Erlan Qoşanov tanysty. Is-şaraǧa Premer-Ministrdıŋ orynbasary Qanat Bozymbaev qatysty.
Belgılı bolǧandai, Memleket basşysy Qasym-Jomart Toqaev jaqynda ötken Ükımettıŋ keŋeitılgen otyrysynda tıkelei sailanǧan äkımderdıŋ jaŋa sanaty – sailanbaly basqaruşylar paida bolǧanyn atap öttı. Olardyŋ arasynda mūǧalımder, därıgerler jäne memlekettık qyzmette täjıribesı joq basqa da mamandar bar. Sondyqtan Prezident «AMANAT» partiiasynyŋ täjıribesın eskere otyryp, «Äkımder mektebı» oqu jobasyn ıske qosudy tapsyrdy.
«Äkımderdı tıkelei sailau – būl Prezidenttıŋ negızgı reformalarynyŋ bırı, eldı odan ärı demokratiialandyru jolyndaǧy ülken qadam. Qoǧam sailanǧan äkımdermen bırge özektı mäselelerdı şeşuge belsendı türde kırıse bastady. Sailauda jeŋıske jetkenderdıŋ basym köpşılıgı – bızdıŋ partiianyŋ ökılderı. Endı olardyŋ basty mındetı – sailauşylardyŋ senımın aqtau. Memleket basşysynyŋ tapsyrmasyna säikes, partiia Ükımetpen bırlesıp, sailanǧan äkımderdı jaŋa qūzyretterge, zaŋdarmen jäne biudjetpen jūmys ısteuge üiretetın bolady. Mūnyŋ barlyǧy halyqtyŋ ömır süru sapasyn jaqsartu üşın kündelıktı jūmysta kömektesedı», –dedı Erlan Qoşanov.
Mäjılıs Spikerı auyldy jan-jaqty damytu – Memleket basşysynyŋ saiasatynyŋ basymdyǧy ekenın atap öttı. Osyǧan bailanysty ötken jyly «AMANAT» partiiasy eldıŋ barlyq öŋırlerınde jaŋadan sailanǧan auyl äkımderınıŋ forumdaryn ötkızdı. Būl ıs-şaralarǧa oblys äkımderı qatysyp, sailanǧan basşylardyŋ alǧaşqy jūmys qorytyndylary jasaldy. Auyl äkımderınıŋ ökılettıkterın keŋeitu, sonyŋ ışınde olardyŋ biudjetterın ūlǧaitu boiynşa ūsynystar äzırlendı. Atap aitqanda, endı auyl äkımı köşe saudasy, qoǧamdyq oryndardy retteu mäselelerın äkımşılık tūrǧydan basqara alady, sondai-aq auyl biudjetıne jeke jäne zaŋdy tūlǧalardyŋ mülık, jer, kölık salyqtary tüsedı.
Öz kezegınde Ükımettıŋ Öŋırlık saiasat jönındegı jobalyq keŋsesın basqaratyn vise-premer Qanat Bozymbaev auyldyq äkımderdıŋ derbestıgın küşeitu boiynşa jüielı şaralar qabyldanatynyn atap öttı. Sifrlandyru arqyly äkımder bıryŋǧai aqparattyq jüielerge qol jetkızıp, tūrǧyndardyŋ sany, mal basy, jeke qosalqy şaruaşylyqtardyŋ jaǧdaiy jäne basqa da parametrler boiynşa tolyq statistikalyq aqparatqa ie bolady. Vise-premerdıŋ aituynşa, äkımderde jetkılıktı qarjylyq qūraldar boluy maŋyzdy, sonda olar qajettı nätijege qol jetkıze alady.
«AMANAT» partiiasy bastamaşylyq etken jäne Ükımet pen Memlekettık qyzmet ısterı agenttıgı bırlesıp ıske asyryp otyrǧan «Äkımder mektebı» jobasy 2400-den astam audandyq jäne auyldyq okrug äkımderın qamtidy. Oqu kursy, basqa da taqyryptarmen qatar, auyldyq okrugterdıŋ ekonomikalyq damu baǧdarlamalaryn äzırleu jäne olardy täjıribede qoldanu ädıstemesın üiretuge baǧyttalǧan. Äkımder öz auyldarynyŋ ekonomikalyq mamandandyryluyn anyqtaudy, sondai-aq önım öndıruden bastap, ony sertifikattau men satuǧa deiıngı tıkelei tızbektı qūrudy üirenedı.
«Qaryzsyz qoǧam» jobasynyŋ atqaruşy direktory Oljas Ordabaev qazaqstandyqtardyŋ qarjylyq sauattylyǧyn arttyru boiynşa atqarylǧan jūmystardyŋ nätijelerımen jäne aldaǧy josparlarmen bölıstı. Soŋǧy ekı jyl ışınde 840 myŋ adam oqytudan öttı, onyŋ ışınde 70 myŋy zaŋgerlık kömek aldy. Endı jobany keŋeitu maqsatynda oflain oqytumen qatar, kurstar onlain formatta da qoljetımdı bolady. Sonymen qatar zaŋgerlık keŋestı mındettı oqusyz aluǧa mümkındık tuady, al halyqtyŋ yŋǧailylyǧy üşın «Qaryzsyz qoǧam» jobasynyŋ call-ortalyǧy aşylady.
Mamyr aiynyŋ soŋyna deiın Ükımettıŋ Öŋırlık saiasat jönındegı jobalyq keŋsesı «AMANAT» partiiasymen bırlesıp, eldegı barlyq auyldyq okrugterdıŋ ekonomikalyq damu baǧdarlamalaryn äzırleidı jäne äkımderdı olardyŋ baǧdarlamalaryn ıske asyru barysynda süiemeldeitın bolady. Sondai-aq ortalyq jeke qosalqy şaruaşylyqtarda öndırılgen önımderdı sertifikattau jäne olardy ūiymdastyrylǧan satyp alular men sauda jelılerı arqyly satu mäselelerımen ainalysady.
