Işınde 10 jolauşysy bar ūşaq beisenbı künı Arktikalyq şeŋberdıŋ oŋtüstıgındegı Aliaskadaǧy Norton Saund arqyly ūşyp bara jatqanda joǧalyp kettı. Būl turaly "Amerika dauysy" radiosy mälımet taratty, dep habarlaidy “Adyrna” ūlttyq portaly.
Aliaska qoǧamdyq qauıpsızdık departamentınıŋ habarlauynşa, Bering Air ūşaǧy Unalakletten Nomǧa baǧyt alǧan. Bortta toǧyz jolauşy men ūşqyş bolǧan. Bilık onyŋ soŋǧy belgılı koordinattaryn anyqtauǧa tyrysuda.
Unalaklit — Aliaskadaǧy batys bölıgınde ornalasqan eldı meken, Nomnan oŋtüstık-şyǧysqa qarai 240 şaqyrymda jäne Ankoridjden soltüstık-batysqa qarai 640 şaqyrymda ornalasqan. Onda şamamen 690 adam tūrady.
Būl - soŋǧy bırneşe künde AQŞ-ta bolǧan üşınşı ırı aviasiialyq oqiǧa. 29 qaŋtarda el astanasy maŋynda jolauşylar ūşaǧy men armiialyq tıkūşaq soqtyǧysyp, 67 adam qaza tapty. Ekı künnen keiın, 31 qaŋtarda Filadelfiiada medisinalyq tasymaldauşy ūşaq apatqa ūşyrap, onyŋ bortynda alty adam men jerde bır adam qaza tapty.
Bering Air aviakompaniiasynyŋ paidalanu jönındegı direktory Devid Olsonnyŋ aituynşa, Cessna Caravan ūşaǧy Unalaklitten 14:37-de ūşyp şyqqan, jäne bır saǧattan az uaqyt ışınde bailanys üzılgen. AQŞ Qūtqaru qyzmetınıŋ mälımetıne säikes, ūşaq jaǧalaudan 19 şaqyrym qaşyqtyqta bolǧan.
Bering Air aviakompaniiasy Aliaska batysyndaǧy 32 eldı mekendı öz habtarynan — Nom, Kosebu jäne Unalaklitten — qyzmet körsetedı. Köptegen baǧyttar aptasyna ekı ret, düisenbıden senbıge deiın, tūraqty reistermen oryndalady.
Äsırese, qys mezgılınde ūşaqtar köbınese Aliaskanyŋ şalǧai audandarynda ülken qaşyqtyqtardy eŋserudıŋ jalǧyz joly bolyp sanalady.
Nom qalasynyŋ ört qyzmetı äleumettık jelılerde jerdegı toptar Nomnan Topkokqa deiıngı jaǧalauda ızdestıru jūmystaryn jürgızıp jatqanyn habarlady.
«Aua raiynan äue ızdeulerın jürgızuge mümkındık şekteulı», — delıngen habarlamada.
Tūrǧyndarǧa özdıgınen ızdeu toptaryn ūiymdastyrmau ūsynyldy, sebebı aua raiy tym qauıptı.
Ūşaq şyqqan kezde Unalaklitte temperatura -8,3°C bolǧan. Qar jauyp, tūman baiqalǧan.
Ūşaqta bolǧan adamdardyŋ esımderı äzırge jariialanbady.
