Stokgolmnen 200 shaqyrym qashyqtyqta ornalasqan Erebrý qalasyndaǵy eresekterge arnalǵan oqý ortalyǵynda bolǵan atystan shamamen 10 adam qaza tapty, dep habarlaıdy "Adyrna" ulttyq portaly BBC-ge silteme jasap.
Bul ortalyq balalar mektebiniń qasynda ornalasqan.
Jergilikti basylymdarda birneshe adamnyń qaıtys bolǵany týraly aqparat buryn da taraǵan, alaıda resmı málimetterde tek alty adamnyń jaraqat alǵany aıtylǵan. Polıııa qurbandar týraly túsinikteme bermegen edi.
Keıin qala polıııasynyń basshysy Roberto Eıd Forest bul oqıǵadan shamamen 10 adamnyń qaza tapqanyn rastady. Olardyń arasynda shabýyl jasaǵan adam da bolýy múmkin.
Ázirge terakt belgisi anyqtalmaǵan.
"Biz bul qylmysty jalǵyz adam jasady dep oılaımyz. Oqıǵa kisi óltirýge oqtalý, órt qoıý jáne qarýly shabýyl retinde qarastyrylýda," – delingen polıııa málimdemesinde.
Kýágerler men buqaralyq aqparat quraldarynyń habarlaýynsha, mektep mańynda on shaqty oq atylǵan. Bul emtıhannan keıingi ýaqytqa sáıkes kelgen. Bul ýaqytta kóptegen oqýshylar úılerine taraǵan. Al mektepte qalǵandarǵa synyptarda jasyrynýǵa týra kelgen.
Erebrýdaǵy mýnııpaldy bilim berý ortalyǵy jıyrmadan asqan adamdardy oqytýmen aınalysqan. Munda sheteldikterge arnalǵan ıntegraııalyq baǵdarlamalar men múmkindigi shekteýli adamdarǵa arnalǵan kýrstar usynylǵan.
