«Shymbulaq» taý-shańǵy kýrortyna demalýǵa barǵan sheteldik týrıster tóbeles shyǵardy. Oqıǵa 1 aqpan kúni bolǵan, dep habarlaıdy «Adyrna» tilshisi.
Demalys ornyna kelgen qonaqtardyń biri kezekti uzaq kútkenin aıtyp, narazylyq bildirgen.
«Mas bir top sheteldik qonaq taý shańǵysy mektebiniń qyzmetkerlerimen janjaldasqan. Kýrorttyń qaýipsizdik qyzmeti oqys oqıǵanyń jolyn kesti. Quqyq buzýshylar quqyq qorǵaý organdarynyń qyzmetkerlerine tabystaldy. Oqıǵaǵa baılanysty dereý ishki tekserý júrgizildi, sondaı-aq belgilengen qaýipsizdik standarttaryna sáıkes qajetti sharalar qabyldandy»,—dep túsindirdi TShK baspasóz qyzmeti.
Qazirgi ýaqytta janjalǵa qatysqan qonaqtarǵa qatysty «Buzaqylyq» baby boıynsha is qozǵaldy.
