Boom Supersonic kompanııasy jeke XB-1 dybystan jyldam ushatyn ushaq prototıpiniń synaǵyn sátti ótkizdi, dep habarlaıdy "Adyrna" ulttyq portaly ren.tv-ǵa silteme jasap.
Ushaq dybystyq barerdi eńserip, 1207 km/saǵat jyldamdyqqa jetken. Synaqtar Kalıfornııadaǵy Mohave shólinde ornalasqan aerokosmostyq ortalyqta ótkizildi.
Boom Supersonic kompanııasy ushýdyń sátti ótkenin habarlap, XB-1 dybystan jyldam ushaǵynyń ushýyn reaktıvti ushaqtyń táýelsiz jobasy boıynsha dybystyq barerdi eńsergen alǵashqy oqıǵa retinde atap ótti.
Synaqtyń maqsaty – kompanııanyń Overture atty jolaýshylar ushaǵyna qoldanylatyn jańa tehnologııalardy tekserý boldy. Overture ushaǵy 2029 jyly reısterge shyǵatyn bolady. Ol 80 jolaýshyny 1,7 Maha (shamamen 2080 km/saǵ) jyldamdyqpen tasymaldap, álem boıynsha 600-den astam baǵytqa qyzmet kórsetedi. Bul ushaqtar Nıý-Iork pen London sııaqty qalalar arasyndaǵy sapar ýaqytyn 3,5 saǵatqa deıin qysqartýǵa múmkindik beredi. Kompanııa qazirgi tańda Overture ushaǵyna 130 tapsyrys aldy, onyń ishinde American Airlines, United Airlines jáne Japan Airlines sııaqty iri áýekompanııalary da bar.
