Şarşaǧanda Dimaştyŋ änderın tyŋdap, reaksiialardy qarap, pıkırlerdı oqyǧan ūnaidy. Ötkende Fransiiada prezidentter aldynda öner körsetken Dimaşty fransuzdar qatty jaqsy köredı eken. Aǧylşynşa, qazaqşa, orysşa pıkırlerdı tüsınemız ǧoi, al fransuzşa pıkırlerdı google audarmanyŋ arqasynda oqyp, “mä, myna fransuzdar Europanyŋ qazaqtary ma” dep qaldyq. Adam balasy bır-bırıne ūqsas keledı ǧoi. Fransuzdar Makronǧa renjıp jatyr “Dimaş, saǧan dūrystau, keŋdeu sahna bermegen fransuzdardy keşır” deidı. Endı bırı “Dimaşty fransuz halqy atynan baiaǧyda-aq marapattau kerek edı” deidı. Bızdıŋşe, alystan at aryltyp kelgen qonaqty dūrystap kütıp alyp, üstıne şapan jauyp, tai mıngızıp jıbermedık pe, qonaqjailylyq qaida, fǧansuzdar. Şapanyna orden-medaldan taqpadyq pa, ūiat boldy-au…” degenı ǧoi. Bıreuler “Fransiiadaǧy barlyq ardager, täjıribelı sazgerler Dimaşqa än jazyp beruı kerek” deidı… Qazaqşalasaq, “qaşanǧy Dimaş bır fransuz änımen öner körsetedı, anau Krutoiyŋ krutoi bolmai qaldy, Dimaştai saf talanttarǧa europalyq, älemdık deŋgeidegı änder jazdyryp, ǧaryştyq änşını ǧaryşqa tanytu kerek” degenı ǧoi.
Guglǧa rahmet, italiiandardyŋ ne dep jatqanyn da tüsındık. İtaliiandar da “Ainalaiyn, Dimaşjan, basqalar qadırıŋdı bılmei jatsa, bızge kel, özımız kütıp alamyz, İtaliia esıgı sen üşın aşyq, «Daididau» degen änıŋ qandai keremet edı… ” degendei pıkırlerdı jazyp jatyr. Jalpy, google-dıŋ qazaqşaǧa audaru funksiiasy jaqsy eken, bıraq älı de kalka-audarma basym bop tūr, būl salany jetıldırıp, damytu kerek-aq. Al Dimaşqa europalyq, amerikalyq, älemdık sazgerlermen jaqsy yntymaqtastyq, sättı jobalar tıleimız!
Al sızder Dimaştyŋ änderın tyŋdap, pıkırlerdı oqisyzdar ma?
Kamshat Tasbolat
Ūqsas jaŋalyqtar
