Sharshaǵanda Dımashtyń ánderin tyńdap, reakııalardy qarap, pikirlerdi oqyǵan unaıdy. Ótkende Franııada prezıdentter aldynda óner kórsetken Dımashty franýzdar qatty jaqsy kóredi eken. Aǵylshynsha, qazaqsha, oryssha pikirlerdi túsinemiz ǵoı, al franýzsha pikirlerdi google aýdarmanyń arqasynda oqyp, “má, myna franýzdar Eýropanyń qazaqtary ma” dep qaldyq. Adam balasy bir-birine uqsas keledi ǵoı. Franýzdar Makronǵa renjip jatyr “Dımash, saǵan durystaý, keńdeý sahna bermegen franýzdardy keshir” deıdi. Endi biri “Dımashty franýz halqy atynan baıaǵyda-aq marapattaý kerek edi” deıdi. Bizdińshe, alystan at aryltyp kelgen qonaqty durystap kútip alyp, ústine shapan jaýyp, taı mingizip jibermedik pe, qonaqjaılylyq qaıda, fǵansýzdar. Shapanyna orden-medaldan taqpadyq pa, uıat boldy-aý…” degeni ǵoı. Bireýler “Franııadaǵy barlyq ardager, tájirıbeli sazgerler Dımashqa án jazyp berýi kerek” deıdi… Qazaqshalasaq, “qashanǵy Dımash bir franýz ánimen óner kórsetedi, anaý Krýtoıyń krýtoı bolmaı qaldy, Dımashtaı saf talanttarǵa eýropalyq, álemdik deńgeıdegi ánder jazdyryp, ǵaryshtyq ánshini ǵaryshqa tanytý kerek” degeni ǵoı.
Gýglǵa rahmet, ıtalııandardyń ne dep jatqanyn da túsindik. Italııandar da “Aınalaıyn, Dımashjan, basqalar qadirińdi bilmeı jatsa, bizge kel, ózimiz kútip alamyz, Italııa esigi sen úshin ashyq, «Daıdıdaý» degen ániń qandaı keremet edi… ” degendeı pikirlerdi jazyp jatyr. Jalpy, google-diń qazaqshaǵa aýdarý fýnkııasy jaqsy eken, biraq áli de kalka-aýdarma basym bop tur, bul salany jetildirip, damytý kerek-aq. Al Dımashqa eýropalyq, amerıkalyq, álemdik sazgerlermen jaqsy yntymaqtastyq, sátti jobalar tileımiz!
Al sizder Dımashtyń ánderin tyńdap, pikirlerdi oqısyzdar ma?
Kamshat Tasbolat
