Úndistannyń Andhra-Pradesh shtatyndaǵy Shrıharıkota aralynda ornalasqan Satısh Dhavan atyndaǵy ǵarysh ortalyǵynan 100-shi ǵaryshtyq ushyrý sátti ótti, dep habarlaıdy "Adyrna" ulttyq portaly Dzen.ru-ǵa siltep.
Úndistannyń ǵaryshtyq zertteýler uıymy (ISRO) GSLV MkII F15 zymyran tasyǵyshyn ushyryp, ony Jer orbıtasyna shyǵardy.
Bul tarıhı ushyrý Úndistannyń ǵaryshtyq zertteýler salasyndaǵy úlken jetistikteriniń biri bolyp sanalady. Shrıharıkota ǵarysh aılaǵynan alǵashqy zymyran 1979 jyldyń tamyz aıynda ushyrylǵan edi. Sodan beri el ǵaryshtyq tehnologııalardy damytýdyń uzaq jolynan ótip, álemdik ǵarysh derjavalarynyń birine aınaldy.
Úndistan tek spýtnıkterdi ushyrýmen shektelmeı, ǵaryshty tereń zertteýge baǵyttalǵan iri jobalardy qolǵa alýda. 2025 jyldyń tamyz aıynda Úndistan bıligi Ladakh aýmaǵynda Aı men Marsty zertteýge arnalǵan jańa jerústi stanııasyn salý josparyn jarııalady.
Sonymen qatar, ISRO basshysy Shrıdhar Panıker shilde aıynda Úndistannyń alǵashqy adamdy Aıǵa jiberýge arnalǵan zymyranyn jasaýdy bastaǵanyn málimdedi.
