جاقىن ارادا الماتى وبلىسىندا ءبىرىنشى اەس سالۋ بويىنشا قاجەتتى كەلىسسوزدەر جۇرگىزىلمەك. بۇل تۋرالى پرەمەر-مينيستر ولجاس بەكتەنوۆ حابارلادى.
«قازىر ەكىنشى جانە ءۇشىنشى اەس قۇرىلىسىنىڭ ورنىن انىقتاۋ بويىنشا ساراپتاما اياقتالدى»، – دەدى ول.
سونداي-اق، ولجاس بەكتەنوۆ 2024 جىلدىڭ قورىتىندىسى بويىنشا قازاقستان ەكونوميكاسىنىڭ ءوسىمى 4,8 پايىزدى قۇراعانىن ايتتى. بۇل ۇكىمەتتىڭ 6 پايىزدىق مەجەسىنەن ءبىرشاما تومەن.
«اۋىل شارۋاشىلىعىندا 13,7 پايىز، قۇرىلىستا 13,1, ساۋدادا 9,1, كولىك بويىنشا 8,5 پايىزعا دەيىن وسىمگە قول جەتكىزىلدى. وڭدەۋ ونەركاسىبىنىڭ كولەمى 5,9 پايىزعا ۇلعايدى. اگرارلىق سەكتور مەن وڭدەۋشى سالادا سوڭعى ون جىل ىشىندەگى ەڭ قارقىندى ءوسىم تىركەلدى، – دەدى بەكتەنوۆ.
الايدا مۇناي ءوندىرۋ كولەمى 2 ملن 400 مىڭ تونناعا تومەندەپ، جالپى ىشكى ءونىمنىڭ ءوسۋ قارقىنىنا كەرى اسەرىن تيگىزگەن. وعان سەبەپ – وپەك+شەڭبەرىندەگى مىندەتتەمەلەرىنە جانە بىلتىر ءىرى كەن ورىندارىنىڭ كۇردەلى جوندەۋگە جابىلۋى.
