Qazaqstannyń AQSh-taǵy elshiligi Amerıka Qurama Shtattarynda kóshi-qon saıasatynyń qatańdaýy men el shekarasyn qorǵaý jáne zańsyz mıgraııany azaıtýǵa baǵyttalǵan sharalarǵa baılanysty málimdeme jasady, dep habarlaıdy «Adyrna» tilshisi.
«El bıligi mıgraııalyq saıasatty barynsha qatańdatty. Qolǵa alǵan sharalar AQSh-qa zańsyz kelgen sheteldikterge jáne mıgranttarǵa qatysty bolyp otyr. Qamaýǵa alý jáne elden shyǵarý syndy májbúrleý sharalarymen qatar, AQSh-qa qaıta kirýge shekteýler engizilip, sondaı-aq áleýmettik kómek, jumys isteýge ruqsat beretin qujattar men basqa da áleýmettik jeńildikterdi joıý qarastyrylýda», – delingen habarlamada.
Elshilik AQSh aýmaǵynda júrgen qazaqstandyqtarǵa bılik talaptaryn qatań saqtaý kerektigin atap ótti. Aıtýlarynsha, AQSh zańsyz negizde júrgen sheteldikterge elden óz erkimen ketýge múmkindik berip otyr.
«Bul shara Qazaqstan azamattarynyń deportaııaǵa ushyraý qaýpin azaıtýǵa jáne onyń saldarynan bolashaqta AQSh vızasyna ótinish bergende el aýmaǵyna kirýge tyıym salynýynan saqtanýǵa kómektesedi»,—delingen habarlamada.
Budan bólek taǵy birneshe ózgeris engizildi:
«Meksıkada qalyńyz» saıasaty qaıta engizildi: AQSh pen Meksıka shekarasyn zańsyz kesip ótken jáne AQSh-tan baspana suraǵan mıgranttar sot sheshimin kútkenshe, Meksıka aýmaǵynda qalýǵa mindetteledi.
«Usta jáne bosat» baǵdarlamasynyń kúshi joıyldy: budan bylaı shekarada ustalǵan mıgranttar sot sheshimin kútpeı, AQSh aýmaǵynan bosatylmaıdy. Olar arnaıy ortalyqtarda ustalady, óz eline qaıtarylyp nemese úshinshi elderge jiberiledi.
CBP One qosymshasyn qoldaný toqtatyldy: buryn bul qosymsha sheteldikterge shartty túrde elge kirý úshin qoldanylatyn, biraq endi bul múmkindik joıyldy.
