Iran ózine qarasty toptarǵa AQSh pen onyń odaqtastaryna qarsy arandatýshylyq áreketter jasamaýdy buıyrdy, dep habarlaıdy "Adyrna" ulttyq portaly media.az-ǵa silteme jasap.
Bul qadam Donald Tramptyń qaıtadan AQSh prezıdenti bolyp saılanýynan keıin qaýipterden saqtanýymen baılanysty.
The Telegraph basylymynyń málimetinshe, Irannyń Joǵarǵy kóshbasshysy Hameneı Tegeranda eki sýdıany jerleý rásimine bronejıletpen qatysqan. Bul onyń ómirine qastandyq jasalýy múmkin degen alańdaýshylyqtan týyndaǵan.
Irak pen Iemendegi proırandyq kúshterge AQSh nysandaryna shabýyl jasamaý týraly nusqaý berilgen. Eger shabýyl jasalsa, Iran qarýyn qoldanýǵa qatań tyıym salynǵany eskertilgen.
Sondaı-aq, Iran prezıdenti Pezeshkıan 17 qańtarda Vladımır Pýtınmen kezdesýde Reseıden áýe shabýylyna qarsy qorǵanys júıelerin jetkizýdi suraǵany belgili boldy.
