Borannyŋ saldary. Jambyl jäne ŞQO aimaqtarynda jol qozǧalysy şekteldı

Elımızde aua raiynyŋ qolaisyz jaǧdaiyna bailanysty bırneşe aimaqta jol qozǧalysy şekteldı, dep habarlaidy "Adyrna" ūlttyq portaly.  Jambyl oblysyndaǧy qozǧalys şekteulı aimaqtarda şamamen 2 myŋǧa juyq kölık jolda tūryp qalǧan. Aimaqtyŋ polisiia departamentınıŋ aituynşa, 1385 jük kölıgı men 25 avtobus jolda qalǧan. Patruldık poliseiler jürgızuşıler men jolauşylardy jylytu oryndaryna ornalastyrǧan. Jolda qalǧan adamdar jylytu oryndarynda demalyp, aua-raiynyŋ tūraqtalǧanyn küte alady. Sonymen qatar jürgızuşıler ystyq şaimen qamtamasyz etılude. Qar qūrsauynda qalǧan kölık jolauşylary avtobuspen, polisiianyŋ qadaǧalauymen, temırjol vokzalyna jetkızılıp, üilerıne jıberıledı. Şyǧys Qazaqstan oblysynda da jol qozǧalysy qiyndap,  100-den astam kölık qar qūrsauynda qalǧan. Jyldamdyǧy sekundyna 30 metrge jetetın qatty jel men boran soǧyp, körınu deŋgeiı nölge deiın tömendep, qardyŋ qalyŋdyǧynan qozǧalys şektelgen. Polisiia qyzmetkerlerı oqiǧa ornyna jedel jetıp, jürgızuşıler men jolauşylardy qauıpsız aimaqtarǧa evakuasiialady. Zardap şekkender joq. Saǧat 17:30-dan bastap «Öskemen – Gornaia Ulbinka – Severnoe» oblystyq jolynyŋ uchaskesı (30-60 km, Zoia Kosmodemianskaia atyndaǧy balalar lagerı) jabyldy. Polisiia qyzmetkerlerı jürgızuşılerdı aua raiynyŋ qolaisyzdyǧynda jolǧa şyqpauǧa jäne kölıktıŋ tehnikalyq jaǧdaiyn tekseruge şaqyrady.