Qazaqstandyq startap Google-dıŋ üzdık jobalary qataryna endı

Qazaqstandyq "Higgsfield AI" jasandy intellekt kompaniiasy Google nūsqasy boiynşa älemdegı üzdık 25 startap qataryna kırdı, dep habarlaidy "Adyrna" ūlttyq portaly BAQ.KZ - ke sılteme jasap.  "Higgsfield AI" kompaniiasynyŋ negızgı maqsaty — ozyq tehnologiialardy äzırlep, Qazaqstannyŋ jahandyq ekonomikadaǧy pozisiialaryn nyǧaitu. "Higgsfield AI" komandasynda 22 joǧary bılıktı AI-injener eŋbek etedı. Olardyŋ arasynda halyqaralyq fizika jäne matematika olimpiadalarynyŋ 6 jeŋımpazy bar. Erekşe atap öterlıgı, ädette osyndai mamandar şetelge ketıp jatsa, būl komanda Qazaqstan igılıgı üşın jūmys ısteudı taŋdaǧan. Kompaniianyŋ superkompiuterı 512 GPU NVIDIA prosessorymen jabdyqtalǧan jäne 9 petabait kölemındegı derekter jiyntyǧynda neirojelılerdı oqytady. 9 ai ışınde kompaniia ekı jaŋa önım äzırlep, olar halyqaralyq deŋgeide moiyndaldy. Būl "Higgsfield AI"-ge Google nūsqasy boiynşa älemdegı üzdık 25 startap qataryna enuge mümkındık berdı. Kompaniia äzırlegen ekı negızgı önım bar. Bırınşısı - mobildı kontent studiiasy. Ol - beine jäne mätınder jasau prosesın jeŋıldetuge arnalǧan qūral. Ekınşısı, Diffuse qosymşasy — mätındı beinege ainaldyruǧa mümkındık beretın arnaiy model. Diffuse kömegımen beinelerdı nölden bastap jasauǧa nemese selfi negızınde beinebaian qūrastyruǧa bolady. Būl önımder Qazaqstannyŋ jasandy intellekt salasyndaǧy äleuetın däleldeidı. Qazırgı uaqytta kompaniianyŋ önımderın 2 millionnan astam qoldanuşy paidalanyp otyr. "Higgsfield AI" kompaniiasy AI-ūiymdardyŋ älemdık reitingınde top-185 qataryna endı. Kompaniianyŋ bas direktory Erzat Dulattyŋ aituynşa, Qazaqstan jasandy intellekttıŋ mümkındıkterın paidalanyp, ony älemdık ekonomikaǧa qosqan ülesıne ainaldyruy tiıs. "Japoniia men Koreia XX ǧasyrdaǧy tehnologiialyq innovasiialarda öz ornyn tapqandai, Qazaqstan da jasandy intellekt arqyly öz ornyn aiqyndauy kerek", — deidı Erzat Dulat.