Italııanyń Týrın qalasynda ótip jatqan qysqy Ýnıversıadada shaıbaly hokkeıden Qazaqstan erler quramasy Chehııany jeńip, jalpy esepte besinshi orynǵa turaqtady. Bul týraly sport.kz jarııalady, dep habarlaıdy “Adyrna” ulttyq portaly.
Qazaqstandyq hokkeıshiler qarsylasynan 5:2 esebimen basym tústi.
El quramasynan Oleg Boıko (22-mınýt), Beıbarys Orazov (31-mınýt), Denıs Chaporov (44-mınýt) ıjáne Semen Sımonov (54, 55-mınýttarda) mergendik tanytty. Oǵan qarsylastar tarapynan Djoshýa-Djeıms Maha (27-mınýt) jáne Iozef Hasman (33-mınýt) eki golmen jaýap qaıyrdy.
Otandastarymyz A tobynda synǵa tústi. Qarsylastary Kanada, Chehııa, Ońtústik Koreıa jáne Shveııa.
Aldymen Shveııany 9:2, Ońtústik Koreıany 7:1 esebimen jeńip, odan keıin Kanadaǵa 3:4, Chehııaǵa 1:3 esebimen jol berdi. Óz tobynda jeti upaımen úshinshi orynǵa turaqtady.
