Memleket basşysy Qasym-Jomart Toqaev Qazaqstannyŋ halyq jazuşysy, dramaturg, qoǧam qairatkerı Tölen Äbdıkke «Egemen Qazaqstan» gazetınde jariialanǧan sūqbatyna orai jedelhat joldady. Būl turaly bügın, 20 qaŋtarda Aqordanyŋ baspasöz qyzmetı aitty, dep habarlaidy «Adyrna» tılşısı.
«Egemen Qazaqstan» gazetıne bergen sūqbatyŋyzdy mūqiiat oqyp şyqtym. Özektı oi-tolǧamdaryŋyz arqyly ūlt ruhaniiaty üşın qūndy dünieler aitylǧan. Töl ädebietımızdıŋ damu kökjiegıne qatysty syn-pıkırlerıŋız ben jas buynǧa qarata aitqan aqyl-keŋesterıŋız oryndy dep sanaimyn. Şyn mänınde, jahandy jailaǧan qazırgıdei qūbylmaly zamanda jazuşylar qauymy körkem tuyndylary arqyly ädıldık, jaqsylyq jäne adamdyq qūndylyqtaryn keŋınen därıptegenı jön. Būl elımızdıŋ keleşegı üşın öte maŋyzdy. Qalamyŋyz qarymdy bolsyn! Sızge myqty densaulyq, baq-bereke jäne tolaiym tabys tıleimın!»— delıngen jedelhatta.
Eske salaiyq, 10 qaŋtarda qazırgı qazaq ädebietınıŋ ırı ökılı, «Parasat maidany», «Tozaq ottary jymyŋdaidy» «Oŋ qol», «Aqiqat», «Ölıara» syndy klassikalyq tuyndylardyŋ avtory, jazuşy Tölen Äbdıktıŋ jurnalist Qanat Äbılqaiyrǧa bergen sūqbaty «Egemen Qazaqstan» gazetınde jariialanǧan edı.
Jazuşy äŋgıme barysynda qazırgı qazaq ädebietınıŋ jai-küiıne toqtaldy.
«Qazaq ädebietınıŋ bolaşaǧyna kümän keltırmeimın. Bızde talantty aqyndar da, talantty jazuşylar da joq emes. Bıraq sol talanttar men talantsyzdar midai aralasyp, jaqsylary jamandardan oq boiy ozyp, qara üzıp kete almai jür. Mäselen, Qūdai talant bergen, öleŋnıŋ tehnikasyn jaqsy meŋgergen, ūiqastary şymyr aqyndar az emes. Olardyŋ denıne ortaq bır kemşılık bar. «Jaŋa ǧasyrda älem qaida bet aldy, adamzattyŋ qandai qūndylyqtary alǧa ozyp barady, şetel aqyndary qandai jyr jazyp jatyr?» degen sekıldı sūraqtarǧa bas qatyrmaidy. Bır sözben aitsaq, köbınıŋ tarih pen bügıngı zaman, qala berdı körkem ädebiettıŋ basty qaǧidalary töŋıregındegı közqarastary tobyrlyq deŋgeide. Baiaǧy eskı daǧdylardan, keŋestık däuırde boiǧa sıŋgen köne tüsınıkterden aryla almai jürgen sekıldı»,—dedı qalamger.
