2025 jyldyń qańtar aıynan bastap Erkejan Tursynbaeva Qazaqstan Respýblıkasynyń Áleýmettik ınnovatorlar qaýymdastyǵynyń vıe-prezıdenti qyzmetine kiristi. Ol elimizde áleýmettik kásipkerlikti damytýǵa baǵyttalǵan aýqymdy jobalardy júzege asyrýdy qolǵa aldy.
Erkejan Tursynbaevanyń jetekshiligimen qaýymdastyq Qazaqstannyń ár aımaǵynda áleýmettik kásipkerliktiń turaqty jelisin qurýǵa bel sheshe kiristi. Uıymnyń basty maqsaty – áleýmettik kásipkerlerge qolaıly jaǵdaı jasap, olardyń qyzmetin qoldaý jáne damytý.
Bul baǵytta qaýymdastyq áleýmettik kásipkerlik týraly Zańnyń ázirlenýine belsendi atsalysyp, kásipkerlerge túrli preferenııalardy engizý boıynsha jumystar júrgizýde.
Áleýmettik kásipkerlik salasynda bilikti mamandardy daıarlaý úshin Qazaqstanda alǵash ret magıstrlik baǵdarlama iske qosyldy. Qaýymdastyq áleýmettik kásipkerler men memlekettik organdarǵa arnalǵan ádistemelik quraldar ázirlep, olardy qoldanysqa engizýde.
Qaýymdastyq óńirlerdegi kásipkerlerge arnalǵan vorkshoptar, master-klasstar, trenıngter men dóńgelek ústelder uıymdastyrady. Sondaı-aq jergilikti atqarýshy organdar men áleýmettik kásipkerler arasynda tıimdi baılanysty nyǵaıtý maqsatynda arnaıy semınarlar ótkizýde.
Uıym Ortalyq Azııa elderimen, sonyń ishinde Tájikstan men Ózbekstanmen seriktestik ornatyp, tájirıbe almasý saparlary men halyqaralyq konsýltaııalar uıymdastyrýda. Bul bastamalar aımaqtyq jáne jahandyq deńgeıde áleýmettik kásipkerlikti damytýǵa yqpal etedi.
Qaýymdastyqtyń eń mańyzdy sharalarynyń biri – jyl saıynǵy Áleýmettik kásipkerlik quryltaıy. 2023 jyly 400-den astam qatysýshy jınaǵan bul sharanyń 2024 jyly aýqymy keńeıip, 700-den asa adam qatysqan Eýrazııalyq quryltaıǵa aınaldy. Mundaı jıyndar áleýmettik kásipkerlerge tájirıbe almasyp, jańa múmkindikterdi talqylaýǵa múmkindik beredi.
Erkejan Tursynbaevanyń basshylyǵymen qaýymdastyq Qazaqstanda áleýmettik kásipkerliktiń damýyna tyń serpin berýde. Zańnamalyq qoldaý, bilim berý bastamalary jáne halyqaralyq yntymaqtastyq arqyly áleýmettik kásipkerlik salasy jańa deńgeıge kóteriledi dep kútilýde.
