Almaty äuejaiynda jolauşy äuekompaniia qyzmetkerıne şabuyl jasady

Almaty halyqaralyq äuejaiynda FlyArystan äuekompaniiasynyŋ qyzmetkerıne jolauşy şabuyl jasady, dep habarlaidy "Adyrna" ūlttyq portaly.  Äueakompaniianyŋ mälımetınşe, oqiǧa Almaty halyqaralyq äuejaiynda bolǧan. «Jolauşy tırkeu üstelıne ūşuǧa 30 minut qalǧanda kelıp, reiske tırkelgenın rastaǧannan keiın qauıpsızdık tekseruıne ötu üşın baǧyt alǧan. Alaida ol ülgermegen. Osydan keiın jolauşy qaitadan tırkeu aimaǧyna kelıp, tekseruge jıbergen qyzmetkerge aşuyn körsetken. Oqiǧa barysynda ol qyzmetkerdıŋ telefonyn laqtyryp, oǧan jūdyryqpen soqqylar jasaǧan. Būl agressiia beinebaqylau kameralarymen jäne kuägerlermen rastaldy», – delıngen FlyArystan-nyŋ Telegram arnasynda jariialanǧan habarlamada. Äuekompaniia ūşaqqa otyru reis ūşqanǧa 30 minut qalǧanda bastalatynyn eske saldy. «Destruktivtı mınez-qūlyq tanytqan jolauşy qazırgı zaŋnamalarǧa säikes jauapqa tartylady. Aviakompaniia sondai-aq qauıpsızdık saiasaty aiasynda tiıstı şaralar qoldanu qūqyǧyn saqtaidy, sonyŋ ışınde ony «qara tızımge» engızu mümkındıgın qarastyrady», – dep habarlady kompaniia.