Los-Andjelestegi iri órt kezinde Talǵar oblysy ákimi apparatynyń burynǵy basshysy, «Hýtorskıı» uıymdasqan qylmystyq top jetekshisi Hasan Qasymbaevtyń aǵasy Aslan Qasymbaevtyń úıi órtenip ketti. Bul týraly Qaznews24 paraqshasynda jarııalandy, dep habarlaıdy “Adyrna” ulttyq portaly.
Aqparatqa sáıkes, sheneýniktiń kottedji kóptegen ataqty adamdar turatyn bedeldi Pacific Palisades aımaǵynda ornalasqan.
Aıta keteıik, Los-Andjeleste bir aptadan beri órt jalǵasyp, myńdaǵan ǵımarat qırap jatyr. Kúshti jeldiń kesirinen aýmaqty sharpyǵan órtti órt sóndirýshiler áli tolyq aýyzdyqtaı almaı otyr.
Eske salsaq, 16 jastaǵy Sherzat Polattyń óliminen keıin Hasan Qasymbaev eki aıǵa qamaýǵa alynǵan edi.
Qasymbaev Aslan Nurǵaıypuly 1982 jyly 13 shildede Almaty oblysy Kegen aýdany Qarqara aýylynda dúnıege kelgen.
– 1988-1999 jyldary Almaty oblysy Kegen aýdany Qarqara aýylynda orta mektepti bitirip, 1999-2002 jyldary D.A.Qonaev atyndaǵy kolledjge túsip, quqyqtaný mamandyǵy boıynsha bilim alǵan.
– 2006-2010 jyldar aralyǵynda Ortalyq Azııa ýnıversıtetine túsip, zańtaný mamandyǵy boıynsha oqyǵan.
– Alǵashqy eńbek jolyn 2002-2006 jyldary Atyraý oblysyndaǵy Tengız Shevroıl «Parker Drıllıng Kompanııasynda» munaı salasynda jumys istegen.
– 2006-2007 jyldar aralyǵynda Talǵar aýdandyq jyljymaıtyn múlik ortalyǵynda ınspektor;
– 2007-2016 jyldary Talǵar aýdandyq Ádilet basqarmasynda ınspektor qyzmetin atqarǵan.
– 2017 jyldan bastap 2020 jylǵa deıin Talǵar aýdanynyń Belbulaq aýyldyq okrýginiń ákimi bolyp qyzmet etken.
– 2021 jyldan bastap Talǵar aýdany ákimi apparatynyń basshysy bolǵan, byltyr bul qyzmetinen bosatyldy.
