2025 jyly JOO jáne kolledj stýdentteri úshin stıpendııa 2 ese, magıstranttar men doktoranttar úshin 1,75 ese artady. Bul týraly búgin, 13 qańtarda Joǵary bilim jáne ǵylym mınıstrligi aıtty, dep habarlaıdy «Adyrna» tilshisi.
«1 qyrkúıekten bastap bakalavrıat stýdentterine stıpendııa 52 372 teńgege deıin, al pedagogıkalyq jáne medıınalyq baǵyttardaǵy bilim alýshylarǵa – 84 000 teńgege deıin, magıstranttarǵa – 117 098 teńgege, doktoranttarǵa – 262 500 teńgege deıin ósedi. Internatýrada oqıtyn stýdentterge stıpendııa – 94 862 teńge, al rezıdentýrada – 134 664 teńge kóleminde tólenetin bolady»,—delingen habarlamada.
Emtıhan sessııasyn «óte jaqsy» tapsyrǵan jaǵdaıda stýdentterdiń joǵary stıpendııa alý múmkindigi saqtalady.
Memlekettik stıpendııadan basqa, joǵary oqý ornynyń Ǵylymı keńesiniń sheshimi boıynsha 104 744 teńge mólsherinde taǵaıyndalatyn oqýda erekshelengen stýdentterge, olımpıadalardyń, shyǵarmashylyq konkýrstardyń, sporttyq jarystardyń jeńimpazdaryna arnalǵan prezıdenttik stıpendııa bar.
Prezıdenttik stıpendııany 3-oqý jylynan bastap stýdentter jáne 2-oqý jylynan bastap magıstranttar ala alady. Mundaı stıpendııaǵa bıýdjettik negizde oqıtyn stýdentter de, aqyly negizde oqıtyndar da quqyly.
